根據台灣《自由時報》24號報導，美國共和黨總統候選人 川普23號赴賓州，在當地舉辦嘅農民座談中提到中國問題，佢表示若當選總統，第一通同外國元首嘅電話，就係打俾中國嘅 習近平，並要求 習近平履行在其上一次任內嘅協議，完成採購500億美元美國農產品嘅承諾。

川普在會上指出，在其總統任內，佢曾經同中國磋商關稅問題，雙方亦曾經達成協議，中國同意向美採購價值500億美元嘅美國農產品，川普大方指，我當選後第一通電話，就係打俾 習主席，並將會對佢講：你需要履行你簽訂嘅協議。

川普批評民主黨籍嘅總統 拜登、副總統 賀錦麗，在佢哋任內未能執行呢項協議。川普再次指，我哋達成咗協議，中國會購買價值500億美元嘅美國農產品。佢再次向在場賓州農民指出，我保證 習近平一定會買，佢100%會買。

川普令表示，佢將要求 習近平處理發貨自中國，經墨西哥湧入美國嘅鴉片類止痛劑「芬太尼」等問題。川普強硬指出，中國必須將芬太尼有關交易商判處死刑先得。今次美國大選，芬太尼問題成為雙方交戰要點。華府指控中國係原料來源國，但中國持續否認。