根據台灣《三立新聞》23號報導，屬中國主旋律題材嘅電影《一生交給黨》，自8月1日上映至9月22日，總票房最終僅275萬人民幣。有中國影評分析該片為何票房失利，直指原因就係「紅色題材作品」，尤其該題材作品長期肩負著「宣傳教育任務」，長期被視為「宣傳工具」而非單純藝術作品。

中國電影票房資訊平台「貓眼電影」數據顯示，片長1個半鐘嘅《一生交給黨》票房表現勁差，首週票房僅只有96萬人民幣，直至第8日總票房先突破100萬大關。累計至9月22號亦只有275萬，同期票房排名更慘跌出百大，僅第127名。

根據公開資訊，《一生交給黨》以1927年4月12日國民黨在上海對中共潛伏黨員發動「清黨」，即係中共所稱之「412事件」為題主軸，當時國民黨展開清黨行動，大肆搜捕、處決共產黨員。而紅軍領袖 周逸群率眾對抗，並描寫中共黨員正面對抗國民黨嘅故事，內容強調潛伏黨員嘅堅忍節操，屬中國典型嘅紅色題材「正能量」電影。

不過在如此「忠黨愛國、可歌可泣」嘅主旋律下，《一生交給黨》嘅票房十分慘淡，有中國網友反映，該片上映前後嘅宣傳就已經好低調，加上冇大牌演員、冇創新題材，加上社會氛圍差，票房自然不佳。有網友嘲諷：同共產黨有共鳴嘅人太少。有網民建議，黨可以動員1億黨員「捧場」，票房自然有「底氣」。

同時有網民表示：我哋接受嘅愛黨教育已經夠啦！亦有網民認為，「愛黨教育」在學堂學就好，做咩要使錢去劇院「上堂」。令有中國影評直言，該片票房失利嘅背後，顯示更深層次嘅社會原因。近年來「紅色題材」電影市場一直表現不佳，觀眾對呢一類電影「審美疲勞」，加上對歷史題材認知偏差，種種因素導致票房失利。

該影評續稱，紅色題材電影被賦予「過於沉重嘅歷史使命」，更似係肩負著「宣傳教育任務」嘅工具，已非單純嘅藝術作品，致無數同類電影內容顯得刻板說教，形式上缺乏創新，若非拍成冗長乏味嘅紀錄片，就係過度依賴特效、明星，成為「毫無內涵」嘅爆谷，難以引起觀眾共鳴。