根據台灣《自由時報》23號報導,中國共產黨主旋律電影《一生交給黨》,8月1號在中國各地上映,未料票房累積至今只有275萬人民幣,可謂相當之慘,連中國網友得知消息後,亦紛紛在網上嘲笑話:1億黨員都冇去睇?
中國電影票房資訊平台「貓眼電影」數據顯示,片長1個半鐘嘅《一生交給黨》票房表現相當差勁,首週票房為96萬人民幣,累積票房則為275萬人民幣。
據解,《一生交給黨》以1927年4月12號嘅「412事件」為主軸,當時國民黨展開清黨行動,大肆搜捕、處決共產黨員,電影內呈現出紅軍領袖 周逸群率眾,同國民黨革命軍對抗嘅情況。
不過在如此「忠黨愛國、可歌可泣」嘅主旋律下,《一生交給黨》票房仍十分慘淡,中國網友對此狠酸:睇上來有共鳴嘅少、我哋接受嘅愛黨教育已經夠啦、使錢係要去娛樂嘅唔係上堂、居然有人會去睇。