根據《自由亞洲電台》19號報導，亞洲事實查核實驗室（Asia Fact Check Lab, AFCL）在YouTube搜尋並觀察多個在今年6至8月間，上傳新疆旅遊影片嘅賬號，鎖定包括「寒國人」、「賴嶽謙」個人賬號、「台灣來的阿蓮蓮」、「威力台灣人在大陸生活」、「小杰不到一百六」等YT帳號。

AFCL歸納、分析上述YouTube網紅發布嘅內容，發現多人所使用嘅講法都係同一套敘事，全部一致反駁西方媒體嘅報道，內容充斥著一種「我冇睇到，就係冇嘢」嘅邏輯。以下係AFCL整理出來嘅幾個台灣網紅嘅議題焦點。

一、外媒及台灣綠媒都亂報，新疆集中營在邊度？

部分網紅發布嘅內容，大部分都在烏魯木齊「市區」，少部分就宣稱在偏遠地區，但全部都不約而同表達：這裡「沒有集中營」。例如，有網紅在旅館拉開窗簾，拍攝烏魯木齊繁華嘅高樓大廈，並稱：集中營在邊度？根本就冇。

二、維語邊有消失？

有網紅行入烏魯木齊地鐵站，拍攝站內「漢、維」兩種語言標示嘅站名，跟住就宣稱：外媒都報道維語消失咗，邊有消失？

三、呢度有超多清真寺

多位網紅介紹烏魯木齊市區旅遊，並會特別拍攝天山區嘅「白大寺、青海大寺」，並強調地鐵沿線仲有「超多清真寺」可參觀拍攝。

四、台灣發布橙色旅遊警戒，你仲夠膽去大陸、新疆？

台灣政府在今年6月針對中國公布「懲治台獨」相關法律，對中國旅遊發布橙色警戒。網紅們多以反諷方式，宣稱自己身為台灣人，走訪新疆各地都冇被抓捕，以此理據稱：新疆好安全，周街都係遊客。

除了上述幾個同聲論述外，網紅另會發布誤導錯誤內容。例如，賴嶽謙稱：疫情結束後，民進黨唔俾「台疆」恢復直航。事實查核後，情況係「台疆」在2013年開通直航，之後中國「南方航空」就以「機隊調度、季節因素」等藉口，數次自行宣布停飛。

據報，中國當局直至今年4月，先至向台灣方面提出申請，要求包括烏魯木齊在內嘅兩岸直航點「復飛」。若以此舉對照中國當局近年嘅行為，可謂係為咗「洗白新疆暴行」而鋪路，透過恢復航點、網紅拍片洗腦，令外界模唔清真相，操縱對中輿論保持模糊不清嘅狀態。