根據《自由亞洲電台》18號報導，「美中」禁毒合作實踐起源於舊年11月，在美國總統 拜登及中國國家主席 習近平於舊金山會晤後，在會上達成嘅「幾個」共識之一，目的係要攔截芬太尼等毒品及原料流入美國，但「美國緝毒局」（U.S. Drug Enforcement Administration ，DEA）近日已作出決定，要關閉在上海、廣州嘅辦事處，只留下北京、香港嘅辦事處。有美方官員形容，中方所謂嘅合作，基本只留在名義上。

DEA在全球69個國家或地區設有93個辦事處，其中14個將會在呢一輪被關閉，當中包括「上海、廣州、俄羅斯、印尼」等地。《美聯社》報道指出，DEA局長 米爾格拉姆（Anne Milgram）上周在內部電郵中表示，關閉相關駐外辦事處嘅主要目的，記係局方須將有限資源，精準投放在「有助於挽救美國人生命」並能發揮最大效用嘅地方。

有DEA資深人士指出，消息反映出「美中」作為地緣政治競爭對手，在經常停滯不前嘅合作中又再一次遭遇挫折。目前仍不清楚關閉上海、廣州辦事處嘅確實原因，美國共和黨參議員 格拉斯利（Chuck Grassley）表示：美國人有權知道點解會作出咁嘅決定，以及緝毒局諗住點分配納稅人嘅稅金。

前DEA海外運作負責人 維吉爾（Mike Vigil）表示，美國需要同中國合作，幫助阻止製造毒品及化學原料流入，在派駐中國人力較少嘅情況下，將好難發展合作關係。不過有美國官員表示，中國所謂嘅合作好大程度只不過係名義上，隨著美中關係惡化，被派駐到中國辦事處嘅人員，獲取簽證前先要面對各種困難及限制。