根據香港《商台》 17號報導，餐飲聯業協會會長 黃家和在近日受訪時表示，經濟環璄欠佳引致消費疲弱，今年中秋節餐飲業整體並不理想，估計生意額減少1成至1成半，單日總體餐飲收益將會由舊年2.8億減至今年2.5億港紙。

黃家和稱，今年唔少酒樓、食肆，面對港人北上消費，及在家做節等因素影響，唔敢加價。以往中秋節晚飯一圍枱可收5000，今年訂價只有4000左右，部分酒樓甚至減至3000幾一圍。

佢話，過往中秋節，酒樓晚飯一般可以做兩轉生意，今年只有做到一轉，其中以維港兩岸嘅食肆，例如「灣仔、銅鑼灣」等地，因有節慶活動生意較好，但其他區域人流明顯較冷清，有部份業者表示，甚至不及平日一半生意。