根據《自由亞洲電台》17號報導，人權組織「香港監察」及《壹傳媒》創辦人 黎智英嘅律師團隊，近日分別透露懲教署自舊年底起，拒絕 黎智英接受其神父在探望時所提供嘅「聖餐」，另外，其糖尿病病情亦因未能獲得適切治療而開始惡化，日漸消瘦，身心變得虛弱。

「香港監察」創辦人 羅傑斯批評，香港懲教署此舉堪比「緬甸、北韓」。黎智英嘅仔 黎祟恩周三18號將赴美國國會，出席一個聲援其父親嘅活動，其律師團隊已向聯合國酷刑特別報告員提出緊急申訴。

人權組織「香港監察」（Hong Kong Watch）創辦及信託人 羅傑斯（Benedict Rogers）周日16號在英國天主教周報《The Tablet》撰文，指信奉天主教並因多宗政治案件還押嘅《壹傳媒》創辦人 黎智英，自舊年12月案件開審起，被懲教署拒絕由探望嘅神父手上領聖餐嘅要求，形容係「粗暴侵犯」黎智英嘅宗教自由。

羅傑斯在受訪時表示，佢認為，除咗「某種報復」之外，並無任何正當理由可解釋懲教署現時對 黎智英嘅對待。羅傑斯表示自己曾經在「緬甸、北韓、中國等地工作，上述事情成日出現。但估唔到「被單獨囚禁、剝奪宗教自由」會在香港出現。黎智英嘅個案中，絕冇任何正當理由剝奪佢領聖餐嘅權利，絕對係創下香港在囚人士嘅先例。