根據台灣《自由時報》18號報導，颱風「貝碧佳」在16號過境中國蘇州，陽澄湖「蟹農」大嘆魚塭圍網遭颱風破壞，致大量大閘蟹出逃。

中媒《極目新聞》17號報導指，陽澄湖蟹農 葛女士透露，自己在陽澄東湖有20畝魚塭，「貝碧佳」過境後雖造成圍網損壞，但並不嚴重。不過有朋友嘅魚塭在陽澄西湖，初步統計「船隻、圍網、護棚」等損失至少3至4萬人民幣。

葛女指出，好多蟹農嘅船都沉咗，並估計損失會比較巨大，因為船嘅發動機泡水後，即使修復好都係容易故障，更換新發動機至少要2萬幾。

中媒《上游新聞》引述另名蟹農 柳先生嘅講法，目前，陽澄湖大閘蟹養殖基地，可話係幾家幸運幾家愁。颱風過後，湖內唔少養殖區嘅圍網被掀翻。圍網可防止大閘蟹逃脫，並防止水鳥獵食。但即使大家做咗防備，但風力真係太大，圍網被吹翻嘅無數。

中媒《現代快報》報導指，蘇州市農業綜合執法支隊「陽澄湖二大隊」大隊長 李罡 表示，颱風過後，隊上已多次出船即時查看湖區養殖受損情況，圍網整片損毀情況存在，但冇人員傷亡，目前正聯合相關部門，全力幫助受損養殖戶恢復生產。