根據《自由亞洲電台》17號報導，美國五大部門在上周向香港發出警示，警告在香港營商要注意觸犯美國制裁令，言猶在耳。司法部隨即採取行動，拘捕一名身處美國嘅俄國商人，指控佢涉嫌控制在香港開設嘅三間公司，並利用在香港銀行戶口，偷運軍民兩用武器電子零件至俄羅斯。

司法部聲明指，今次被捕嘅係44歲俄國公民 波斯托沃伊（Denis Postovoy），目前居於 佛羅里達州，佢在周一16號上晝被捕，控罪指佢涉嫌違反《出口管制改革法》從事走私、洗錢、詐騙美國政府。

該案由美國檢察官 格雷夫斯（Matthew M. Graves）、司法部國家安全部助理總檢察長 奧爾森（Matt Olsen）、國土安全調查局（HSI）丹佛分局特別探員 斯普拉德林（Ryan L. Spradlin）聯合辦理。

起訴書指，自2022年2月俄羅斯全面入侵烏克蘭後，波斯托沃伊即開始由美國非法獲取戰爭所需元件，並出口具軍事用途嘅微電子元件至俄羅斯。出口嘅微電子元件可用於無人機。

美國檢察官 格雷夫斯表示：呢名被告非法將雙用途技術出口至俄羅斯，部分技術可能增強俄國對烏克蘭嘅戰爭能力。波斯托沃伊對其運輸之技術以及最終目的地「撒謊」，並利用中轉地香港掩蓋非法活動。