根據台灣《中央社》17號報導，黎巴嫩武裝組織「真主黨」（Hezbollah）指控以色列在黎巴嫩各地引爆「call 機、呼叫器」，造成9人喪命、近3000人受傷，受害者並包括真主黨戰士及伊朗駐貝魯特大使，真主黨並矢言將會進行報復。

《路透社》報導指，黎巴嫩資訊部長 馬卡瑞（Ziad Makary）公開譴責呢起在尋日傍晚發生嘅call機引爆事件，馬卡瑞將事件稱之為「以國侵略行為」。call機雖為上一世紀嘅產物，但真主黨及部分黎巴嫩人為閃避手機被監控，在近年轉用Call機發送訊息以閃避秘密監控。

以色列軍方自舊年加薩戰爭開打以來，便持續同有伊朗係度撐腰嘅真主黨進行跨境戰鬥，不過以軍拒絕回應有關事件，對爆炸事件絕口不提。黎巴嫩衛生部表示，這起事件造成的死亡人數今天晚間從8人增為9人，傷者人數維持在2750人。

真主黨在聲明中證實，死者包含至少2名真主黨戰士及1名年輕女童。今次事件中爆炸嘅call機，多分布在黎巴嫩南部、貝魯特邊郊 達希耶（Dahiyeh）、貝卡谷地（Bekaa Valley）東部，有關地區屬於真主黨據點。真主黨表示，以色列將為今次爆炸事件「付出代價」。

在其中一起爆炸案中，地方電視台播出嘅監控畫面顯示，當時有一人正在雜貨店埋單，收銀台側邊放置嘅小型手持裝置突然發生爆炸。真主黨高層官員匿名表示，今次事件係同以色列長達一年嘅衝突中，真主黨所遭遇嘅「最嚴重安全漏洞」。

據解，有美國官員對外透露，涉事嘅call機係真主黨購自一間台灣公司。《法新社》、《紐約時報》報導引述美國官員簡報指，以色列滲透黎巴嫩所購call機嘅供應鏈，在一批入口至黎巴嫩嘅call機中埋入爆裂物，並在今日對「真主黨」（Hezbollah）開展行動。

據報真主黨內部進行通訊聯繫時，基於安全等理由會更偏好使用call機而非智慧手機。而呢一批call機被指購自台灣「金阿波羅」（Gold Apollo）公司，有關消息指，call機在黎巴嫩收貨前就已被改造，使call機可以在特定時間爆炸。

多名官員表示，真主黨向「金阿波羅」訂購3000幾支call機，並在到貨後分派俾位於黎巴嫩各地嘅成員，其中部分流向真主黨在伊朗、敘利亞嘅盟友手中。而今次受攻擊行動影響嘅，係已開啟並可接收訊息嘅call機。

目前暫時未能確定call機落單嘅時間，亦無法掌握貨物抵達黎巴嫩嘅時間。《路透社》在跟進報導中指，「金阿波羅」董事長 許清光在今18號表示，爆炸嘅call機非台灣製造，係歐洲公司代工製造，該公司得到授權，得以貼標使用「金阿波羅」嘅品牌。

許清光在受訪時表示，涉事嘅呢批貨百分之百非台灣金阿波羅公司製造，非台製而係外國製造。佢並表示，大概3年前有間代理商搵佢，並表示希望可以合作，對方搵到一批工程師，並稱有興趣「自產」call機，並希望使用「金阿波羅」嘅品牌做推廣。

許清光表示，當時對方稱掛名唔會超過2年，佢都曾見過該產品，佢曾經問過對方點解要做call機？唔好用又唔好睇，不如用「金阿波羅」嘅產品就好；對方就回稱要養一批工程師。對掛名產品涉恐攻，許清光十分憤怒，並已致電對方抗議。

金阿波羅公司聲明指出，針對今次媒體報導嘅call機AR-924，屬於「BAC」公司自產自銷產品，金阿波羅僅提供品牌商標授權，同產品設計、生產無關。金阿波羅公司始終遵循相關法規，並同合作夥伴保持透明合規嘅合作關係。