根據台灣網媒《Newtalk新聞》12號報導，近日中國《央視軍事》公布一段解放軍空軍戰機，使用「紅外彈」驅逐外機嘅影片畫面，有中國軍事專家分析指，該畫面應係今年5月份，中國戰機殲16驅逐澳洲P8反潛巡邏機嘅真實畫面。

中國解放軍飛行員 張占方接受《央視軍事》訪問，針對今次驅逐外機經驗表示，當時發現有外機以垂直嘅角度，低空向中國「領海線」飛去。張占方稱：為保衛中國領海安全，佢駕駛戰機試圖攔截或逼退該機。

然而，該機在確認中國軍機進行攔截行動後，突然改變方向躲避中國軍機，並在空中盤旋一圈，再次朝向中國領海線飛行。張占方見狀，先以無線電發出警告，隨後並發射「紅外線干擾彈」，該機最終被驅離。

澳洲曾發布聲明指，該架P8反潛偵察機當時正在國際空域內正常執行任務，但突然遭到中國軍機「危險攔截」，澳洲軍方認為中國軍機嘅舉動，對當時在機上嘅機組人員人身安全產生威脅，並對中國政府表示抗議。