根據台灣陸媒《ETtoday》10號報導，華為同蘋果打對台，在10號新品發布會上推出所謂「萬眾期待」嘅華為三摺手機「MateXT非凡大師」。華為常務董事、終端BG董事長 余承東表示，該款手機係「全球首款三摺疊手機」，華為又再次遙遙領先。

據中媒《魯中晨報》報導，余承東在會上表示，手機展開之後，螢幕10.2英寸，係史上最大嘅摺疊螢幕手機，相當於將平板裝在口袋內，展開後厚度3.6毫米，係最薄嘅摺疊螢幕手機。

定價方面，256GB版本售19999人民幣、512GB版本售21999、1TB版本售23999，同蘋果一樣，在20號朝早正式開賣，同時都係華為史上最貴嘅手機。對此網友直呼，果然係非凡價格。

網上有關「非凡大師」嘅相關展示片亦引起熱議，有網友笑稱：次次打開手機，都有種批奏摺嘅尊貴感。另有稱：看似三摺，實則奏摺。報導有指，該款手機在7號12點08分開始預約。截至10號16點半，預約人數已達404萬人，果然係404大國嘅巧妙巧合。