根據台灣《中央社》11號報導，台灣民眾黨黨魁 柯文哲因涉「京華城案」被羈押禁見，中國國台辦在當日批係「綠色恐怖」。台灣陸委會當晚回應稱，中華民國司法系統獨立辦案，同中共公檢法司一體「為黨服務嘅專制體制」不同。

中國國務院台灣事務辦公室（國台辦）在當日朝早舉行記者會，上海《東方衛視》記者提問稱，台灣民眾黨黨魁 柯文哲遭民進黨「追殺」，官司纏身、備受關注，國台辦有冇評論？

其發言人 陳斌華稱，賴清德當局上台以來，一再操弄司法、行政等手段，公器私用、黨同伐異，在島內大肆製造「綠色恐怖」，其目就係要追殺「不支持民進黨、不認同台獨」嘅各界人士。

台灣大陸委員會（陸委會）在11號晚發出書面聲明表示，中華民國係實行制衡分權嘅自由民主政體，人民嘅權利皆受正當法律程序保障，司法系統獨立辦案，非任何政黨或行政部門可干預控制，同中共公檢法司一體「為黨服務嘅專制體制」完全不同。

台灣陸委會並強調，中國無需用自己狹隘嘅眼光看待台灣，更唔好試圖見縫插針，咁樣做只會「自曝其短」，令世人「貽笑大方」。