根據台灣《中央社》11號報導，美國知名漢學家 林培瑞（Perry Link）當日在一場講座上表示，李銳日記續留在美國「史丹褔大學」機率相當高，一來係學校嘅論據較強，另一方面亦攸關校方「校譽、公信力」，校方唔願背叛當事人嘅真實意願。

林培瑞目前係「加州大學」河濱分校校長及特聘講座教授，同時都係資深嘅漢學家，林教授長年關注「中國、人權」等領域。林培瑞近日赴台交流，在台灣「政治大學」進行專題講座。題為：由「乒乓外交」翻譯官到「李銳日記」專家證人，我眼見嘅中國人權發展。

前中共領導人 毛澤東秘書 李銳親筆日記，成為「史丹褔大學」及李銳遺孀 張玉珍嘅跨國爭訟物件。林培瑞在當日表示，李銳日記續留「史丹福大學」機率高，儘管美國法庭向來尊重海外唔同法院嘅決定，但呢個案件我認為「大概唔會遵守北京嘅判決」。

林培瑞剖析，該日記續留「史丹福大學」嘅原因在於，學校方面提出嘅論據較強；又加上學校受到捐贈，並接受當事人呢份託付，如果貿然將日記送返去北京，等於背叛咗 李銳及其女 李南央嘅意願，對於學校「名聲、校譽、公信力」將會造成唔好嘅影響。

林培瑞在會上提到，即使美國法庭在某些情況之下，會尊重海外不同法院嘅判決，不過李銳日記一案備受注目，大概唔會遵守北京法庭嘅判決；尤其值得注意嘅係，中共肯定係利用緊呢名寡婦，企圖要將李銳日記搶返去。掩蓋或煙滅日記中「中共唔想俾外人知嘅事實」。

林教授指出，有部分意見認為，「史丹福大學」可以留下副本、送返正本，學者睇副本做研究效果都一樣，不過有關觀點好輕易就可以被反駁，第一係唔應背叛 李銳、李南央等人之意願；第二係如何確保有關文件可被妥善保全、公布。因為過往有太多「壞例子」。

林培瑞舉例，曾批評中共嘅 劉賓雁，在美國嘅葬禮結束後，其家人將其骨灰運返北京落葬，同時為 劉賓雁諗好墓碑文「永眠於此的中國人，曾經做過一個人該做的事情，曾經說過一個人該說的話」。但最終被共產黨要求，只准刻上其名及生死年份。

包括諾貝爾和平獎得主 劉曉波，佢在獄中嘅寫作亦不被批准交俾其妻 劉霞，劉霞更被迫要接受將 劉曉波海葬，就係因中共驚 劉曉波長眠地成景仰燈塔，反成為其他人追隨嘅指標。

林培瑞強調，透過上述例子顯示，中共只會壓制異議聲音，李銳日記倘若送返去北京，唔知會否被直接燒毀，不過中共肯定只會做「對自己有利」嘅運用，或公布一小部分。