根據香港網媒《橙新聞》11號報導，美國民主黨總統候選人 賀錦麗（Kamala Harris）同共和黨對手 特朗普（Donald Trump）嘅電視辯論，在香港時間今朝9點開始。雙方在開場就在經濟問題上針鋒相對。

《美聯社》10號報導指出，賀錦麗表示計劃建立「機會經濟」，承諾解決住屋成本問題，幫助年輕家庭。佢形容 拜登總統上任後，一直在度清理 特朗普任內留下嘅「經濟爛攤」，指 特朗普在經濟方面冇計劃，不只「舊政重提」，仲要為億萬富翁及企業減稅。

特朗普就反駁稱，美國經濟現狀對中產及每個階級來講都係一場災難。當講到自己將對其他國家征收關稅時，特別提到佢當年執政期間，美國通過關稅措施由中國獲得數十億美元收入。

兩人之後就墮胎權議題辯論，特朗普指民主黨有關權墮胎嘅主張激進，佢會將問題交返各州自行做決定。賀錦麗就批評 特朗普說謊。

對於美國科技業，兩人均表示支持，還強調要同中國競爭。特朗普表示，拜登政府嘅關鍵問題就係幾乎不再製造晶片。賀錦麗就表示，美國需要「在AI競賽中勝出」，並反駁 特朗普提及中國嘅部分，指責佢將美國晶片賣俾中國，幫助中國提升並現代化軍事力量」。