根據台灣《中央社》9號報導，前台北市長、民眾黨黨魁 柯文哲因涉及「京華城案」遭羈押禁見，其律師在今日發出聲明，指 柯 將不提抗告。台灣民眾黨說，尊重 柯 及律師嘅決定，並請司法單位秉持勿枉勿縱、無罪推定、公平審理嘅基本精神，儘速釐清真相。

民眾黨秘書長 周榆修指，其實柯文哲決定不抗告，對佢來講，就係用一次實際行動對外展示姿態，即係我同你哋打對台，要查就來查吧！顯示今次攻防戰將係一場漫長嘅戰爭。

柯文哲嘅委任律師 鄭深元、陸正義、蕭奕弘今日發布聯合聲明指，羈押禁見之「認事、用法」存在多處明顯違誤，但 柯文哲不願抗告，因此律師尊重當事人意願，不再抗告。

民眾黨透過媒體群組發布聲明指，有關民眾黨黨魁 柯文哲決定不抗告，民眾黨表示尊重，亦支持 柯文哲及律師團討論之後嘅決定。

民眾黨稱，自 柯 遭裁定羈押後，已多次聲明強調，同一份事證，卻出現兩種極端不同嘅裁定結果，加上近來檢方無所不用其極，押人取供、入人於罪，配合特定媒體洩漏偵辦資訊，企圖操弄錯誤輿論，對柯文哲進行人格抹殺，讓社會大眾對司法公正逐漸喪失信心。

民眾黨表示，柯 嘅辯護人在聯合聲明中提及，不願令法院有所為難，已充分顯現 柯 即便面對北檢「濫權偵辦」，仍會全力配合調查，亦令司法公正性同時受到檢驗。