根據台灣《中央社》8號報導,中國男足日前在世界盃亞洲預選賽中,以0比7懸殊比數大輸日本隊,球迷在網上罵聲四起。官媒《新華社》微博帳號「記者手記」當日發文指,輸球可接受,「擺爛」不能接受。並批評球員處於「崩潰嘅比賽狀態」。
文指,毋庸置疑,作客當今世界強隊日本隊,中國隊大比數失利係「意料之中」,但創出足球隊有史以來最大比分落敗,確實令人驚詫。更令人詫異嘅係球員「崩潰嘅比賽狀態」,包括「低級失誤不斷」,冇戰術、冇配合、冇拼搶,連身體對抗都冇!
難怪網上批評聲四起,「毫無血性」成觀眾一至評價。文章指,輸球可接受,但「擺爛」不能接受。中國球迷望中國隊至少要踢出精神,踢出自身水平應有嘅樣,而非出現大比數落後、潰不成軍。文稱:對於血氣方剛嘅足球男兒,當輸球成習慣,挨罵當成必修,係咪真係冇絕境求生嘅血性?
文章又表示,幾乎次次中國足球隊慘敗,青訓問題都會被提出,問題不斷重複,現實卻每況愈下。反觀日本足球自1996年起執行百年計劃,未到30年已成世界強隊。中國足球點解冇相當嘅定力、恆心、執行力?