根據《路透社》7號報導，法蘭克福消息指出，德國《明鏡》週刊當日報道稱，兩隻德國軍艦將在本月中旬通過敏感嘅台灣海峽，成為22年來首批通過台灣海峽嘅德國海軍艦艇。

《路透社》上月報道指出，兩隻軍艦正等待柏林嘅指令，引發北京對德國嘅譴責。德媒《明鏡》週刊引述未透露消息稱，北京唔會正式收到德國軍艦通過海峽嘅通知，柏林盼利用今次強調航行自由。

雖然「美加」等其他國家，近月來派出多隻軍艦穿越海峽，但將會係德國海軍自 2002 年以來，首次穿越該海峽。台灣海峽係一條主貿易航道，全球有一半嘅集裝箱船會通過該海峽，「美台」皆稱為國際水道。

德國海軍特遣隊指揮官，海軍少將 舒爾茨在上個月向《路透社》透露，透過船艦穿越，將表明德國致力於「建立基於規則及秩序」及「和平解決領土衝突」。

兩隻德國軍艦正同「法國、印尼、意大利、日本、馬來西亞、新加坡、菲律賓、美國」，共同參加該地區演習。北京經常譴責外國軍艦穿越該海峽，並稱其破壞該地區「和平、穩定」。

「中國、台灣」兩國都係德國嘅主要貿易伙伴，德國已同其他西方國家共同擴大盟軍在該地區嘅軍事存在，以應對北京日益增長嘅所謂「領土野心」。