根據《星島日報》5號報導，當晚在日本舉行嘅足球盛事「2026年世界杯」亞洲區預選賽，中國隊以客場出戰，在18強外圍賽首輪分組賽就不敵日本，最終以0比7慘敗。有報導指，中國此役創造男足多個歷史之最，包括「對陣日本單場最多失分、世界杯預賽單場最多失分、世界杯預賽最大失分。

賽事在北京時間9月5日18點35分展開，2026美加墨世界杯預選賽亞洲區第三階段（18強賽）C組第一輪，中國隊客場對上日本隊，比賽在埼玉2002體育場進行。上半場，國足控球率不到三成，中國守門員雖多次救險，但仍然難擋日本隊多次攻勢，半場日本隊即以2比0領先中國隊。

下半場雙方易邊再戰，日本隊繼續其犀利攻勢，並保持對國足嘅高度壓制，日本再連進5球，最終結果中國男足慘敗，以7比0敗北。中國《足球報》報道指，今次比賽中國隊遭遇隊史上「對陣日本最大比分失利」。此外，中國對陣日本已連續16場不勝，其中10場賽事以失敗告終。上次擊敗日本隊已經係1998年「戴拿斯杯」。

報導引述90年代國足隊長 范志毅嘅評價，當晚 范志毅在上海外灘直播賽事，佢在直播時表示：呢場比賽對面「日本隊」進球太輕易啦！如果唔係呢度離江邊太遠，淨係睇賽事睇到我都想跳黃浦江！范志毅表示，我可以接受國足輸日本，但你哋令日本輕易就入到球，真係太差！

另有消息指出，中國官媒《中央電視台》疑因「畫面太難睇」，當晚並冇現場直播該場賽事，亦係《央視》首次不轉播中國男足國家隊嘅重要賽事。《央視》透過聲明稱，係因有關方面嘅報價「極度奇高」，《央視》又宣稱同對方進行多次談判協商後，最終未能達成轉播協議。

《央視》在聲明中話：作為國家廣播電視台，秉承國家利益至上嘅原則，堅決抵制境內外資本攪亂體育版權市場嘅行為。目前，我哋仍同各方持續溝通，爭取盡快獲得中國隊參賽場次嘅版權，及時播出比賽。

據悉，今次比賽在中國國內僅網上轉播平台「愛奇藝體育」獲得轉播權，但觀眾需付費先能觀看。有網民表示，疑似因《央視》冇轉播，唔少球迷都在「愛奇藝」付費收睇，但短期內湧入球迷太多，無數球迷付費都無法睇到轉播信號。

另外，中媒《澎湃新聞》報道另點出一場球迷較少聽聞嘅比賽，指國足史上「最大敗仗」，係2012年同巴西隊嘅友誼賽，當時國足以0比8不敵巴西。

另針對《央視》在賽前以版權為由拒播賽事，有網民在賽後揶揄：《央視》應感謝天價轉播費！又有稱：國足身價仲值615萬歐元？用津巴布韋幣計都嫌多！

有球迷話：一來就次次比賽每個球員都上場試一試，贏就分紅、輸就光屁屁。亦有球迷失望表示：拜托啦！唔好再冠上「國家」名義啦好唔好？

有球迷題提到：下一次主場對沙特阿拉伯，最好都唔好正式參賽，踢個友誼波即好啦！未定又要輸得好難睇。根據賽事，中國隊第二場賽事將會在下周二10號，在大連嘅梭魚灣足球場迎戰沙特阿拉伯。