根據《星島日報》6號報導，連鎖健身中心「舒適堡PHYSICAL」今日突然宣布全線結業，早前「舒適堡」被揭欠繳約740名員工6及7月嘅強積金供款及附加費，涉約300萬元。

今日地產界亦傳出，舒適堡創辦人 陸毅強夫婦，不斷賣樓套現，其中荔枝角 曼克頓山 一伙兩房單位，最新以890萬元沽出，呎價16,543元，據悉，單位由 陸毅強夫婦持有。

市場消息指，陸毅強夫婦二人早年買入 曼克頓山 多伙單位，近月持續沽貨，至今至少沽出3伙單位，套現2,685萬。最新成交嘅單位就係 曼克頓山3座中層D室，實用面積538平方呎，兩房間隔。

該單位原先叫價1,000萬放盤，最終於近日減價至890萬元成交，累減110萬元或11%，折合呎價16,543元。陸毅強夫婦於2007年以約367.7萬元買入單位，持貨約17年轉售，帳面獲利逾522.3萬元，期内升值1.4倍。

根據報導盤點，今年5月以895萬元賣出嘅3座中層D室，及在6月以900萬元沽出嘅3座高層D室，連同今次沽出嘅單位，陸氏於3個月内連環抛售3伙單位，合共套現約2,685萬元。

舒適堡由陸毅強、何玉華夫婦於1986年創辦，高峰時期，舒適堡在全港有23間分店，惟自2018年開始，舒適堡香港區業務出現收縮，亦不時傳出欠租消息。