根據《星島日報》3號報導，的士服務質素為人詬病，面對網約車大軍，的士業界各有唔同訴求。香港的士小巴商總會理事長 陳洲任早前受訪時稱，的士服務對象應為有急切「點對點需要」嘅乘客，「唔係畀你3、4個學生坐埋，就搭一架的士返學喇，唔係畀你咁用㗎嘛。

前理事長 周國強認為，該番說話係「一時口快」或記者誤解 陳洲任當時嘅講話，佢稱應係論述的士司機嘅辛酸事，但周生強調，現時「落旗」雖然調整至29元，仍同香港生活指數有距離。

周國強2號早在電台節目表示，拼車或一程多停車點「比比皆是」，但稱的士收費同政府所標榜嘅有距離，周生指，的士屬個人化收費選擇，按政府定位應為巴士公司車費嘅五至七倍，而的士司機一日接20至25單生意，如果全部按「落旗」收費，咁樣司機生活難有保障。

佢並稱，的士主要收入依靠繁忙時段收入，的士司機在的士站排班數十分鐘，但有客上嚟只乘短途20幾蚊，的士司機面對營運問題，其實29蚊落旗唔係太理想。佢強調，一直爭取「落旗」調整至30幾蚊，無奈巿民唔接受。佢希望政府能夠切實打擊白牌，令的士生意好啲。