根據《自由亞洲電台》25號報導,2024年巴黎奧運會仲有一日就要開幕。今次奧運會嘅口號就係「奧運更開放」,法國奧委會為此製作創新嘅奧運會舉辦方式,令奧運會更加融入普通人生活。但有唔少記者在奧運村採訪時發現,中國代表團成員,屢次迴避媒體採訪。
離奧運會開幕仲有一日。巴黎四處洋溢著歡樂嘅氣氛。由機場至城市主幹道,周圍閃著奧運會嘅標誌或裝飾。不過,在主幹道後面嘅街道,巴黎嘅生活「一切如常」似乎並未受到驚擾。下晝四、五點,巴黎市民照例沿街擺放咖啡檯座,餐館內一樣爆曬棚,到處「人聲鼎沸」,街巷悠閒嘅節奏同城內繁忙籌備嘅工作,有序並行「互不打擾」。
為咗體現「奧運更開放」口號嘅精神,法國奧組委將無數奧運比賽場館設在巴黎各地標建築地。各國運動員將在凡爾賽宮比馬術,在巴黎大皇宮對決擊劍、跆拳道,在法國象徵之地埃菲爾鐵塔下打沙灘排球,亦更會在協和廣場比拼霹靂舞,在榮軍院前觸碰馬拉松終點線。
巴黎奧運會似乎極力盼望將各項比賽融入巴黎人日常生活中,令奧運會成為對所有人開放嘅盛會。此外,法國奧組委另將首次邀請普通人參加馬拉松比賽,被外界稱為顛覆性體驗。位於塞納河畔嘅奧運村,同樣體現上述開放性。雖然媒體難以進入奧運村各代表團嘅宿舍樓參觀,但仍然能在奧運村內廣場,同各國代表團嘅成員碰面交談採訪。
但有記者指出,在採訪中國代表團嘅過程中遇上困難。在奧運村內外,記者遇到三組身著紅色隊服嘅中國代表團成員。記者明示採訪意圖後,都遭到婉拒。有中國隊成員表示,要通過隊內來通知,先可以受訪。
另有自稱係體操隊嘅女子青年成員就明示,只接受《央視》採訪。記者進一步提問,是否可接受其他媒體採訪?其身後一名年長成員在遠處叫囂稱:隊內唔會同意嘅!中國隊成員見到記者,各個都匆匆快速閃過,唔願停低亦唔願同外人攀談。
就在報導出街前一日24號傍晚,《自由亞洲電台》嘅記者在離奧運村6公里外嘅凱旋門下,亦遇到一隊中國代表團成員,其中有成員向記者透露,目前中國隊運動員已不允許外出,至於原因為何?該成員並無明白指出。