根據《自由亞洲電台》25號報導,巴黎奧運會即將登場之際,美國運動品牌Nike在中文官網發布「勝者不是誰都能當」嘅新系列宣傳片,當中出現一名女運動員舔乒乓球拍嘅畫面,隨即惹起中國網民不滿,有留言稱「噁心」,消息並登上微博熱搜第一。
呢段片長90秒嘅宣傳,匯聚全球無數頂尖運動員,包括有 邦占士(LeBron James)、麥巴比(Kylian Mbappe)等,展示在場上要有想贏嘅好勝心。不過播到乒乓球項目時,突然出現「舌舔乒乓球拍」嘅大特寫,鏡頭上移帶出一名女運動員嘅側面,試圖營造出有氣勢嘅畫面。
畫面僅只短短一秒,但就引來「粉紅」大量批評,關鍵字亦迅速登上微博熱搜,唔少留言指不明畫面想表達咩訊息,並直斥「噁心、不衛生、性暗示」等。有網民稱:點解要舔呢?親一下都冇問題。有激進網友稱:邊個運動員會舔自己嘅運動工具?最多親親!唔通跑步都要舔鞋?
有網民稱Nike故意針對中國,因為中國乒乓世界第一。佢稱:故意呀!誰不知我們中國乒乓球世界第一。有稱:專業乒乓球員根本不可能舔球拍,質疑動作多餘。不過亦有意見認為:舔球拍存粹想表達對運動熱愛,無須過度解讀。