根據《法廣》23號報導，《日經亞洲》在當日指出，日本「新日鐵公司」將退出同中國「寶山鋼鐵公司」嘅合資企業，此舉標誌著雙方長達20年嘅合作關係出現轉折點，而兩間公司嘅合作關係，曾被視為係中國鋼鐵工業現代化嘅象徵性進程。今次「新日鐵」退出中國，其公司在中國嘅鋼鐵產能將大減70%。

據悉「新日鐵」今次出售其中國合營股份，同中國本土電車製造商崛起有關，由於「新日鐵」在中國嘅主要客源係日本車商，多間日系車商在中國嘅業務舉步維艱，「新日鐵」認為往後難以在中國拓展業務，遂希望將投資資源集中在美國、印度等地。

「寶鋼-新日鐵汽車鋼板公司BNA」成立於 2004 年，係「新日鐵」同「中國寶武鋼鐵集團」旗下「寶山鋼鐵股份有限公司」各出資 50%嘅合資企業。「新日鐵」在周二宣布，決定在8月底雙方20年合同期滿後終止合同。該公司表示，計畫以 17.58 億元人民幣（2.41 億美元）嘅價錢，向寶鋼出售其持有嘅全部BNA股份，但需獲得中國監管部門批准。

《日經亞洲》介紹指，截至舊年年底，「寶鋼-新日鐵汽車鋼板公司BNA」共有591名員工，該公司嘅主要業務係進口日本優質鋼材，並對鋼材進行電鍍後供貨俾日本車企在中國嘅工廠。

報導指出，無論係中方或日方，雙方都從中受益。「新日鐵」抓住汽車鋼板需求增長嘅機遇，擴大在中國嘅業務，而中國「寶鋼」從中獲得鋼板技術，特別在BNA成立之初，中國尚未有有關技術。

隨著中國產能過剩問題加劇，加上中國全力轉向推動電動車產業，並迅速擴大其本土車企嘅市場份額。今年上半年日本三大車商「豐田、日產、本田」在中國銷量僅154萬架，比舊年同期下降13%，連續第三年同比下降。

日媒《共同社》指出，兩國自1978年簽訂「日中和平友好條約」後，作為經濟合作嘅象徵，由「日鐵」提供技術，並對中國鋼鐵產業現代化作出貢獻。當年「日鐵」接受中國政府邀請，對上海寶山鋼鐵廠建設提供技術支持。