根據《自由亞洲電台》19號報導,巴黎奧運即將進入開幕倒計時,中國國家泳隊日前已抵達巴黎備賽。近日有則關於中國泳隊嘅貼文躍上版面,指稱泳隊在10日內被藥檢200次。在各大網路社群亦出現大量內容相近、狠批西方歧視、針對中國運動員等言論,並有網民要求中國退賽抵制。
巴黎奧運會將在本週五26號開幕,中國國家泳隊營養師 於良 在上週四18號發文指,中國國家泳隊抵達巴黎10日,31名運動員除咗要應付訓練及倒時差外,全隊被「國際興奮劑檢測組織 ITA」抽查近200次。檢測時間自清晨6點至夜晚,運動員只能夠在酒店大堂沙發午休。
於良在文中聲稱,有負責藥檢嘅檢察官指「查得確實太多」等說法。教佢並出示轉發中國、外國選手舊年受藥檢嘅數據圖,指中國選手嘅藥檢數明顯多過他國,其中「英美加澳」等多名運動員嘅藥檢次數,幾乎相當於中國隊 張雨霏舊年43次藥檢嘅紀錄。
事件在中國被大量轉載報導,網上並有愛國網紅「為祖國抱不平」。微博帳號「主持人嘉文」表示,出乎意料中國隊遭遇特殊對待,今次遙遙領先嘅竟然係藥檢數。中方一直以禮相待,不過換來嘅係一次又一次「得寸進尺」。呢一刻我好似明白當年孫楊點解被頻繁藥檢,邊個唔憤怒呢?
微博帳號「起倫」就呼應國家論調稱:近年來,中國泳隊強勢崛起,此舉打破了咗西方運動員在國際泳賽嘅壟斷慣例。睇上去似「例行檢查、公事公辦」,其實真係「別有用心、故意針對」,打亂中國隊員備戰、休息節奏,手段太噁心,正面對決贏唔到就搞排外。
微博帳號「財經非胡說」稱:強大有錯、厲害有錯咩?中國人受興奮劑檢查次數,竟然係世界之最。點樣唔令國人感到震驚、憤怒呢?咁樣嘅特殊待遇,無疑是係對中國選手極大嘅不尊重。中國選手點解要在放大鏡下被「挑三揀四」?
雖然網上無數愛國網民為選手叫屈,不過佢哋無視事件緣由嘅程度亦有人睇唔過眼。在2021年東京奧運會開幕前7個月,中國23名泳將對同一種禁藥呈陽性結果,涉事運動員其後仍繼續參賽,並獲得獎牌,包括兩金得主 張雨霏。
熟悉藥檢程序嘅台灣資深球評 石明謹表示,國際禁藥組織係不分運動項目、國家嘅藥檢機構,定期為已加入平台嘅運動員安排隨機藥檢。
一般情況,藥檢機構會按比賽重要性,或者選手嘅等級來分級抽樣,亦會要求頂級運動員,隨時彙報行程,以便隨時安排抽檢。早前就有丹麥羽毛球混雙選手,因未趕上隨機抽查而失去參賽資格。
石明謹認為,抽樣次數同有關國家過往違規紀錄無關,在奧運會等級嘅重要賽事,針對頂級運動員抽檢次數會特別多,中國泳隊參賽人數多,被抽中做藥檢嘅機率自然就較高。
石明謹表示,在重大賽事中,等級越高、頂級嘅100位選手,自然會成為抽查嘅主目標,而家接近奧運賽事,多人被抽完全合理。佢並肯定,台灣選手肯定都有被抽到,不過就冇人會「拿來說事」。
石明謹解釋指,除非係曾經被抽檢「中標」,或曾經規避藥檢嘅高敏感賽隊,曾有選手用禁藥被檢出,自然會「風聲鶴唳、草木皆兵」,今次中國泳隊被抽查,心理上因素可能係主因。
YT時事評論員 王劍 表示,藥檢事件引發大量「批評奧會、議論西方」嘅相似言論,可能有「中宣部、網信辦」在背後操弄,同時亦顯示出,中國要維護舉國體制、繼續敵視西方嘅思維。
王劍認為,並非他國要歧視中國,或令中國難睇,係中國自身就有「使用體育做宣傳」嘅動力。尤其運動員肩負著金牌工程,外表看似功利,其實目標只有一個「攞金牌」,用金牌證明體制較他人優秀。
中國獨立時評人 季風 表示,中共嘅洗腦教育,實際上就係一種民粹主義教育,粉紅以中國或所謂祖國為中心嘅角度去思考或看待問題,咩都係中國贏咗。但只要人哋稍微嚴謹對你,中國人就玻璃心碎滿地。
不過 季風表示,今年情況有所改變,因為中國面對經濟下滑,民間對奧運會重視程度降低,甚至開始對這舉國體制產生質疑,顯示唔少中國人已開始由洗腦教育中清醒過來。