根據《香港01》18號報導,將軍澳「日出康城」第12期地盤爆出拖欠近百名工人薪金,估計涉款逾600萬元。18號當日朝早9點幾,有約60名工人到地盤,眾人拉起寫有「有汗出無糧出」嘅橫額,並齊聲叫喊著「要食飯!要出糧!要養家!」等口號示威,亦有工人用圍欄堵塞路口,有警察在場戒備。
報導指出,現場工人主要為二判及三判工,當中包括「泥水、結構、鐵器」等工種。香港建造業總工會權益及投訴主任 吳偉樑亦到場了解,佢指出,實際牽涉工人人數及拖欠薪金總額仍有待點算。
就現時資料顯示,初步約有80至100名工人在4月至6月被拖欠薪金,涉及金額約600萬元。吳偉樑指出,由於二判失聯,工人無法聯絡到二判負責人追薪,因此,工人在當日自發組織到場示威,冀大判履行代償工資責任,墊支薪金。
吳偉樑並表示,稍後工人將會繼續到勞工處辦理手績。記者訪問負責鑿石屎嘅工人 陳生,佢表示,工人大多為被拖欠5至6月薪金,而佢就被拖欠兩個半月糧,共17萬元。
泥水工人 冼生表示,在5至6月期間,有10幾名泥水工被拖欠薪,連同其他80名泥水日工工資,估計遭被欠薪共1000萬元;而佢就被拖欠2個月糧。
冼生指出,曾有工人向佢指出,收到二判發出4月薪金嘅支票,惟到銀行入票時被「彈票」,令部分工人共欠3個月人工。
另外,在5月被解雇嘅 強哥 就負責鐵器,佢同樣被拖欠4至5月人工。強哥任職9個月,期間頻頻發生遲出糧情況。在被通知解雇當時,佢曾再三要求準時出糧,惟至今仍被拖欠數萬薪金。
據悉,「日出康城」12期地盤在17號亦曾有屬金工鐵器嘅工人拉橫額抗議,指上月被二判解僱,約40人被拖欠逾200萬元薪金。大判承諾墊支5、6月嘅月薪,但就拒發「代通知金」及「年假款項」。
網上資訊顯示,日出康城第12期「SEASONS PLACE」位於日出康城中心地帶,位處日出康城大型商場「The LOHAS 康城」的上蓋西側,同第11期「信和置業」合組財團發展的住宅項目對望。項目可建樓面96萬平方英尺,設3座住宅大樓,一字型排開,發展商可選擇最多興建2000伙,或者最少興建1217伙,估計平均每伙面積約481至790平方英尺。