根據《法廣》18號報導，中國在17號宣布對「丹麥、荷蘭、西班牙」等國三間企業嘅進口豬肉進行反傾銷調查。中國商務部「貿易救濟調查局」在17號宣布，選定「丹麥皇冠」（Danish Crown A/S）、「荷蘭維揚」（VION Boxtel B.V.）、「西班牙LITERA MEAT」三間歐洲肉商作傾銷損害調查抽樣。

與此同時，中國商務部令選擇2023年中國生豬屠宰量前20嘅企業，作為損害調查抽樣企業。該舉措被視為歐中貿易戰正在升級嘅象徵。

中國商務部在聲明指，有鑒於相關出口商在國內生產者數量眾多，全面調查將為調查機關帶來過重負擔，並妨礙調查及時完成，因此根據相關辦法及規定，決定採用抽樣方法進行調查。

中國是世界上最大嘅豬肉消費國，亦係歐洲公司嘅重要出口市場，特別係歐洲人唔會消費嘅部分豬肉部位。中國今次調查似乎有意針對「西班牙、荷蘭、丹麥」，上述三國亦同時係中國豬肉嘅主要供應國。

有分析人士認為，在歐盟宣布對中國製電動車徵收額外關稅之後，上述三國被視為有份支持，因此先會被中國針對。不過，目前歐盟27國並未達成一致決議，據知情人士透露，在本周舉行嘅協商投票中，只有12個成員國投票贊成實施。

今次中國嘅調查範圍涵蓋新鮮冷凍食用豬肉，並包括「豬腸、豬膀胱、豬胃」等歐洲人少食嘅「豬雜」。據中國海關數據，2023年中國進口60億美元嘅豬肉包括內臟，其中一半以上來自歐盟。西班牙肉商係歐盟對中嘅主要供應國，其次係荷蘭、丹麥、法國。調查預計在2025年6月17號完成，如有必要可延長六個月。