根據網媒《金色財經》 17號報導,香港「財庫局、金管局」近日就在香港實施「法幣穩定幣發行人監管制度之立法建議」,聯合發表諮詢總結。
當中提到,考慮到穩定幣呢類範疇尚在萌芽階段,相當大部分嘅回應者「同意訂立」實施「法幣穩定幣發行人監管制度」新法例,並提出將「法幣穩定幣發行」自有關證券及儲值支付工具監管制度中排除嘅建議。
香港金管局指出,會繼續同其他監管機構合作,共同在香港構建一套一致嘅「虛擬資產監管框架」,避免監管套利。有回應者支持法幣穩定幣嘅儲備資產總值,在任何時候都須維持全額儲備嘅要求,並認同咁樣先係支持穩定幣穩定機制嘅核心元素。
雙局在聯合聲明中表示,香港計畫為參考法定貨幣價格嘅穩定幣發行人推出發牌制度。為確保穩定幣得到充分支持,發行人還需要每月發布由第三方審計師對儲備資產進行之認證。
財庫局局長 許正宇表示,建立法幣穩定幣發行人發牌制度,將加強香港嘅虛擬資產規管框架。並稱今次建議,係將香港打造成為數字資產中心嘅最新舉措,係香港尋求重拾全球商業中心吸引力嘅最新舉措之一。