根據台灣網媒《Newtalk新聞》17號報導,近日中國多地連日暴雨,不過面臨警戒水位高漲嘅三峽大壩,亦冇得揀唯有開啟十洞緊急洩洪。在雨勢及河水高漲嘅雙重夾擊之下,中下游水患進一步擴大。
根據推特X帳號「德潤傳媒」發文,由於四川、重慶等地連日暴雨不斷,長江流域進入防汛關鍵時刻。因此,三峽大壩已開啟十洞洩洪,以騰出水庫空間為防汛期長江上游可能發生嘅大洪水做好準備。
不過三峽大壩此舉,直接引起多地傳出嚴重水浸災情。據悉,由於大量嘅水流出,長江中下游地區沿岸多條河流嘅水位急升,多處發生水災,連帶日前連日暴雨所產生嘅災情,在今次又再進一步惡化,並有多人被大水沖走。
除咗三峽大壩外,新安江水庫亦持續洩洪。錢塘江地景因此產生劇烈變化。其中,錢塘江河床旁多年累積嘅沙堆,因洶湧水流激烈衝擊而產生大面積坍塌。有網友稱:畫面相當壯觀。在陝西,當地街道亦因為今次洩洪被水淹沒,無數車輛在水面載浮載沉。