表演式救災!宏大敘事要你埋單 洞庭湖潰口封堵!民心潰堤!
表演式救災!宏大敘事要你埋單 洞庭湖潰口封堵!民心潰堤!

根據台灣《中央社》9號報導,中國湖南省洞庭湖在5號發生潰堤,經官方77小時日夜趕工,在8號夜晚10點終完成封堵。不過在滯洪區內,尚有1.5億立方公尺嘅洪水尚未排出,居民重返家園重建之路遙遙無期。

 

華容縣 團洲垸成為今次潰堤損失最慘重嘅地區,儼然成為洞庭湖嘅備用滯洪區,洪水由缺口湧入之後,迅速浸晒區內47平方公里嘅土地,當地轉移6個村、1個社區,撤離群眾共7680人。

 

當局雖立即下令封堵缺口,不過一連串「表演式救災」反而激起各地民眾嘅怒火。其中就包括調派一車車「沙石車」倒沙入潰口,更出現「用卡車堵水、抽砂船抽砂填坑」等無效救災操作,令各界譁然、罵聲一片。

 

根據當局嘅直播宣傳畫面,官方在最後先出動運石船,運來大量巨石補強沙堤,並進一步縮細潰口,最終將潰口完全堵塞。不過現場除咗多部大型挖掘機及操作汽船,同時有唔少舉著紅色大旗嘅「茄哩啡」臨演在側邊等待,並在潰口合併之後一轟而上衝入畫面中做表演。

 

當局安排「茄哩啡」舉旗衝入畫面中,似乎有意表現當局「苦民所苦」克服困難,不過網上人民似乎就不買帳。《人民日報》更妄想利用救災畫面直播,挖掘人民嘅同情心及愛國心,不過就有人「唔俾面」咁問:85億堤防加固工程去咗邊?跟住無數網友接力答:85億值得擁有一年保質期。

 

同樣狀況亦發生在新聞中,當局以標題「受災情況前所未有」盼社會做捐贈,留言區內亦再次翻車。有人嘲笑:捐贈俾你,錢又唔會走去災民手上。亦有網友大鬧:你哋有時間整橫幅作秀,冇時間填幾個沙袋。亦人笑稱:喪事當喜事辦,又一個宏大敘事嘅場景,肯定要張藝謀導演操刀。當局隨即刪文並關閉留言區。

發佈時間: 2024年07月10日 12:41
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.