港民搶油啊!罐車混裝事件擴大! 中國網民召集港澳買油團掃貨!
港民搶油啊!罐車混裝事件擴大! 中國網民召集港澳買油團掃貨!

根據台灣《中央社》10號報導,在中媒《新京報》記者報導揭露「油罐車混裝亂象」之後,該問題在中國持續發酵,再次引發社會對於食安嘅恐慌,唔少人諗起08年嘅「三聚氫胺毒奶粉事件」,並再次號召網友組團「跨境去港澳買油」。中國國務院「食品安全委員會」辦公室在9號宣布,將協同相關部門成立聯合調查組,依法嚴懲並及時公布調查處置結果。

 

綜合多間中媒報導,中國國務院食安辦在9號表示,高度重視媒體反映之「罐車運輸食用油亂象問題」,並將組織「國家發改委、公安部、交通運輸部、市監局、糧儲局」等部門召開專題會議研究,成立聯合調查組徹查食用油罐車運輸環節之有關問題。

 

中國國務院食安辦表示,對於違法企業及相關責任人,將依法嚴懲、絕不姑息。同時並組織展開食用油風險隱患專項排查,調查處置結果將及時公布。

 

中媒《新京報》旗下調查記者 韓福濤、實習記者 張新惠、實習記者 赫哲琳,在日前披露「油罐車混裝食用油」等油類混裝問題,而且裝卸油體中間不經清洗直接灌入以節省開支,導致食用油及化工油交叉污染。

 

報導指出,油罐車所裝載嘅食用油,係「中國儲備糧管理集團」及「匯福糧油集團」所出品,一個係國企一個係民企。在調查報導出街之後,兩間食用油大廠不止成為輿論焦點,近日更成為官方調查嘅對象。

 

有文章評論指,上述3名記者在今年5月16號開展暗訪,過程持續個半月,並在7月2號報導出街。其中領頭調查嘅 韓福濤,被中國行家稱為「天生嘅調查記者」,成個人似民工一樣,肯吃苦、忍受低工資、熱愛臥底暗訪。

 

據悉,韓福濤在過去十年轉過十幾種工種,曾經在星巴克沖過咖啡,亦曾假扮賭徒潛入地下賭場做調查、臥底調查童工產業、暗訪醫院欺詐騙保、臥底網紅餐廳調查,最辛苦嘅調查工作都曾經體驗過。

 

文章認為,今次嘅調查報導需要莫大嘅勇氣,因為觸碰嘅議題不限於食品安全呢個大眾敏感神經,更加涉及企業利益,尤其做得「運油嘅」公司,各個都大有來頭,包括今次嘅2間油脂廠、化工廠,以及相關油罐車運輸業,報導甚至可能惹火上身。

 

另外,地方監管單位亦可能涉入利益輸送等問題,報導亦直接指出,今次發現嘅「混運」現象並非單獨案例,而係油車運輸行業嘅「潛規則」大家都「心照」,行業長期處於「無監管狀態」。因此先會有人在網上嘆:在中國,5個調查記者足以頂100個市監局。

 

調查報導出街後,事件受到廣泛關注,「悶聲」已久嘅各地媒體亦加入報導嘅行列。不過事件遠遠未有熄滅嘅跡象,人民在報導出街之後先知,原來運油罐體未經清洗就再次填裝,不只係行業嘅「公開祕密」甚至係普遍現象,民眾嚇到諗起多年前嘅「三聚氫胺毒奶粉事件」。

 

在中國新興嘅社媒「小紅書」上,出現咗大量「去香港買油」嘅話題,有網友質問監管機構:以後要大家坐地鐵去香港買油返屋企炒菜煮餸?更有人直言:卸完煤油直接去裝食用油,竟然係「公開祕密」,大家去香港買油!

 

亦有網友憶起2008年在中國爆發嘅「三聚氫胺毒奶粉事件」,當時「毒奶粉」事件造成家長恐慌,對中國製或分裝之奶粉信心崩潰,紛紛湧至「香港、澳門」搶購,又或者託外國親人、友人在當地搶購奶粉寄返中國。

 

當國將當年「毒奶粉」事件列為「特大嚴重」食安事件,最初起因就係有家長發現,有唔少嬰兒BB飲咗「三鹿集團」嘅奶粉之後出現腎結石,隨後該集團嘅奶粉被發現有化工料「三聚氫胺」。

 

根據中國衛生部年通報,截至當年嘅12月底,累計報告患病兒童有29.6萬人,住院治療更高達5萬2898人。有網友憶起當年事件,再次對今次事件怒稱:當年毒奶粉已令人不可置信,而家嘅廠家似乎已經唔將人當人來對待!

發佈時間: 2024年07月10日 14:37
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.