經濟只有生產無消費「死硬」 人行前顧問李稻葵:內需疲弱
經濟只有生產無消費「死硬」 人行前顧問李稻葵:內需疲弱

根據台灣《中央社》8號報導,中共20屆三中全會即將召開,外界關注中共將如何制定中國未來嘅經濟政策走向。中國「人民銀行」前顧問 李稻葵近日表示,中國經濟不能只有生產冇消費,佢建議由放開人為消費限制、化解地方債風險、關注居民可支配收入及消費成長等方面入手來提振內需。

 

李稻葵係中國知名嘅經濟學家,曾任中國人民銀行前顧問,現任北京「清華大學」中國經濟思想與實踐研究院 院長。《新京報》報導指出,李稻葵在3號舉辦嘅「2024年新京報貝殼財經年會」開幕式上發表主旨演講,並做出上述表示。

 

李稻葵在會上直言,作為研究宏觀經濟嘅學者,今時今刻我嘅心情,同在場關心「人工智慧(AI)」及「新質生產力」發展嘅領導專家們「略有唔同」。佢表示,當下嘅中國經濟最令人擔憂嘅,係需求冇跟上生產力。雖然受到科技加持嘅「新質生產力」可提高生產力,但經濟唔能只有生產而冇消費。

 

李稻葵指出,如果冇需求,生產商、企業就要降價,利潤亦要下降,好多企業都要虧損、退出,投資者回報下降,股市亦受影響,銀行貸款貸唔出去。對於再好嘅科技或新質生產力,投資者亦會感到冇信心,未來經濟嘅成長潛質勢必會大打折扣。

 

對於如何提振內需,李稻葵提出3點建議:

 

一、盡量放開人為對老百姓消費嘅限制。李稻葵認為,有唔少城市仲依然搞緊住房限購,導致部分青年大學教師,想在學校附近買樓接父母來住,就受限於政策而買唔到。李稻葵表示,政府原則上應「完全取消限購」,若擔心學區樓出現炒房現象,就制定精準措施、對策,在特定街道進行限購。

 

二、應釋放地方政府嘅積極性或購買力,首先將地方做基建而發行嘅債務延長,攤成20~50年不等嘅債務。中央大規模發行國債,以「改革方式」置換地方債,令地方政府輕裝上陣,重新激活「購買力、經濟活度」。李稻葵指出,現時地方財困就係做咗過多基建投資,稅收有限惟有舉債,但地方負擔唔起債務只能減少開支。

 

三、過去地方只關心GDP、稅收,長遠來睇,應轉為關心百姓可支配收入嘅增長幅度,以及常住居民嘅消費增長情況。李稻葵表示,未來中央考核地方政府嘅業績,需加入「當地居民滿意度」等獨立調查,真正了解老百姓對地方政府執政,在個人消費及收入等滿意度,而非考核地方之財政收入有幾多。

 

 

發佈時間: 2024年07月09日 12:55
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.