根據網媒《Yahoo新聞》7月1號晚報導，在香港主權移交第27年七一當日，港府依例搞「升旗禮、慶祝會」。在19年反送中之後，香港街頭大規模抗爭至今已消聲匿跡五年，不過港警依然繃緊神經，在港島各區佈防大量警力，據報警方在當日出動超過4000 名警力，防範任何煽動或破壞性活動。

報導指出，早前在「小彤群抽會」煽動案中被捕嘅 李盈姿，當日在灣仔港鐵站內再被警方帶走。《法新社》記者 蘇昕琪當朝在推特X發布多段影片，指 李盈姿在灣仔港鐵站內被截停，隨後佢被兩次帶入港鐵控制室一旁嘅房間。其間佢向便衣警解釋，今日出門純粹要去游水，不過最終仍被警員帶上警車。

在片中可見，李盈姿身著寫有「毛主席萬歲」字詞嘅白T。李盈姿在當晚7點再次現身銅鑼灣，並向記者證實今朝一度被警方帶走，但最終並冇被拘捕。李盈姿對記者表示，七一當然要去銅鑼灣，過去七一都有遊行，而佢年年都有去。

對於朝早在灣仔地鐵站被警方截查帶走，李盈姿對此表示憤怒，並指警方自己都搞唔清楚，今次禁制令並不包括灣仔，李盈姿被警方帶走９個字後就獲䆁。警方要求 李盈姿保持低調，唔好被人拍到。

李盈姿在早前因「小彤群抽會」煽動案中被捕，並被限制進入銅鑼灣，不過該禁令在6月5號已經結束。案件發生於今年5月「六四」之前，李盈姿被控涉嫌違反《維護國家安全條例》第 24 條 「煽動意圖之相關罪行」而被捕。

另根據港媒《集誌社》當日報導，今年七一再次冇遊行，不過在銅鑼灣街頭，三位年紀加總近300歲嘅阿伯，在當日再次現身銅鑼灣東角道。在六四當日因舉牌被帶走嘅 吳伯，獲批舉牌默企十分鐘。七旬 歐陽伯伯 戴上「真普選」黃口罩，同百歲「佔中大黃伯」在東角道默坐。

口戴「真普選」口罩、 77 歲嘅 歐陽伯伯表示，我梗係唔驚，我使乜驚，你話我犯咗咩法？佢並指，即使警方今年從嚴，佢亦會繼續做自己要做嘅事，佢話：當局從嚴唔畀你食飯，唔通你就唔食飯？

歐陽伯伯指，今日佢係要來「見證」，佢笑著話：走又唔快，乜嘢都冇，仲做得咩出樣？我六點之前就返旺角。佢並話：唔少年輕人都被捕，剩幾個老人家上街，冇咩好畏懼嘅。

相隔不足十分鐘，早前在六四期間因舉牌被警員帶走、88 歲嘅 吳伯 同樣來到銅鑼灣。佢一到SOGO出邊，隨即有警察截停佢，警方就限佢係度企十分鐘。

吳伯 在東角道，頸掛耶穌像，手執一張寫有反送中至今五年「被拘捕、被檢控、被判刑」嘅數字，紙板並寫有「民主自由、天經地義、歪曲真理、天地不容、追求民主、造福人群」等字句。默企十分鐘之後就有便衣要佢離開，佢收起紙牌，行向東角道同其他朋友傾計。

下晝三點半，年屆100歲嘅「佔中大黃伯」亦到咗東角道，同吳伯、歐陽伯伯三人坐在行人路傾計。大黃伯表示自己雙腳水腫啱消，近排先可以著到鞋，大黃伯並憶述，十年前今日，佢都有份在中環「預演佔中」。

大黃伯表示，清場當時，佢同一班年輕人「坐低」拒絕離場，最後連佢有511人被警方帶走。今日香港再無七一遊行，雙普選願望依然落空。佢慨嘆：十年前，都有啲滿懷歡喜，以為可以爭取到我哋應得嘅嘢，而誰又知今時係咁樣。