根據台灣《中央社》27號報導，由美國主導嘅「2024環太平洋演習」（RIMPAC）當日正式在夏威夷及其周邊地區登場。聯合部隊指揮官 韋德 表示，今次演習嘅目的係防止侵略發生。

「環太平洋軍演」係全球規模最大嘅軍事演習，每2年舉行一次，自1971年至今已有53年歷史。今年有29個國家，40隻水面艦艇、3隻潛艦、14支地面部隊，並有超過150架飛機，參與聯合演習。

美軍第3艦隊司令、海軍中將 韋德（John Wade）擔任今次演習嘅聯合部隊指揮官。韋德在今日出席位於珍珠港海軍基地碼頭舉辦嘅記者會，多間美國媒體及7間台媒參與並提問。

韋德在致詞時表示，今次演習用意係加強29國聯合演訓之能力，最終目的係要確保印太地區和平穩定。針對記者提問，台灣海峽安全受各方關注，今次演習會如何加強區域安全，特別「台海安全」？

韋德表示，今次演習不針對特定國家，無論中國或台灣，各國係為咗共同利益而齊聚，共同做好一切準備，因應可能發生嘅天然災害，防止侵略行為。若侵略發生，各國將依各自政策予以反制。

韋德強調，美國謹守「台灣關係法、美中三公報、對台六保證」所建立嘅「一個中國」政策。過去中國曾經在2014年、2016年兩次受邀參加，韋德表示，中國自2018年起不再受邀，原因就係不守國際規範。

智利海軍准將 葛瑞羅（Alberto Guerrero）擔任聯合部隊副指揮官、日本海上自衛隊少將 橫田和司、澳洲皇家空軍聯合部隊隊長 莫里斯（Clinton Morris）、加拿大聯合行動指揮部備戰總監 莫納漢（K.W.A Monaghan）出席記者會。

演習由今日起一直進行至8月1號，29個國家派出40艘水面艦艇、3艘潛艦、14支地面部隊，包括F-35閃電II（Lightning II）、P-8A海神式（P-8A Poseidon）巡邏機、V-22魚鷹（V-22 Osprey）運輸機，超過150架飛機。

另外《美國之音》報導指出，今次演習項目將包括反潛戰、多艦水面戰、多國兩棲登陸及航母打擊群對抗實彈部隊之「多軸防禦」等。而「擊沉」(SINKEX)項目是環太軍演最受關注嘅重頭戲，亦係參與方使用反艦武器對目標艦艇進行實彈打擊。

報導指出，每次軍演選擇之「靶艦」種類及重量都唔同。今年環太軍演「擊沉」之目標將會係已退役之4萬噸級「塔拉瓦號」(Tarawa)兩棲突擊艦。今次亦係環太軍演時隔10年，再次使用兩棲攻擊艦作為靶艦。

「塔拉瓦號」係美國起造嘅第一隻「塔拉瓦」級兩棲突擊艦，4萬噸嘅規格令外界將其稱為準航母。有分析指，環太軍演今年將「塔拉瓦號」巨型兩棲突擊艦作為擊沉目標，係為咗應對中國近年來巨型兩棲艦、航母等方面之發展，以及將艦艇用於台海衝突中嘅可能。