人權組織:香港人權持續下探! 諷港府:拘捕曬所有人自然就上升喇!
人權組織:香港人權持續下探! 諷港府:拘捕曬所有人自然就上升喇!

根據《美國之音》19號報導,近排再次有國際人權組織發佈全球30幾個「國家、地區」最新人權數據,有關數據顯示,中國在多項人權標準排名依然保持最低,部分評分只比 沙特阿拉伯 高少少。在香港方面,情況持續維持惡劣,部分項目評分進一步接近中國嘅水平。

 

總部設於 新西蘭嘅「人權評量倡議組織」(Human Rights Measurement Initiative)在全球30幾個地區做調查,並衡量多項人權標準,並觀察唔同地方最新嘅人權發展情況及變化。

 

最新數據顯示,中國嘅「人權狀況」屬於惡劣,在「免遭國家級威脅」之項目總評分,連續2年排名最低,滿分10分只得到2.6分。在項目之下有兩個指標,「免遭強迫失蹤之權」、「免遭死刑之權」,中國排名都係最低。在「公民權利」之項目總評分,中國得1.9,僅只高於 沙特阿拉伯嘅1.7分。

 

香港方面,評分較舊年下跌,其中「免遭國家級威脅」之項目總評分,由7.2下降至6.3。在「公民權利」之項目總評,由3.2降至2.2,而且分數僅高於中國一國。在「公民權利」中嘅「集會結社自由」項目,中國、香港同為2.2分,只略高於 沙特阿拉伯嘅2.1分。

 

「人權評量倡議組織」發言人 羅登(Thalia Kehoe Rowden)在受訪時表示,該調查在中國進行咗四年,中國經常係排名最低嘅地區之一。羅登表示:中國在「免遭死刑之權」方面,評分「重重下跌」,顯示中國執行咗更多死刑,中國嘅死刑問題被外界重視。而其他方面大致持平,冇任何改善。

 

羅登發現一個有趣嘅現象,在「公民權利」中嘅「參政自由」項目,中國得到2.8,而香港仲低過「祖國」,只得到2.2分。對此羅登回應指,沙特阿拉伯之所以在「免遭任意拘禁」等權利方面有所改善,根據當地評論員嘅講法,係因為沙特「已經拘捕曬所有人」。

 

羅登話:中國嘅政治自由打壓,基本上已經持續一段好長嘅時間。不過在香港方面,有關打壓在過去五年先出現。外界可見,在過去幾年之中,香港在「公民權」方面嘅評分,正在不斷下探並接近中國嘅水平。

發佈時間: 2024年06月20日 14:31
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.