根據《自由亞洲電台》16號報導，英國《金融時報》引述知情人士消息，指中國國家主席 習近平曾經向歐盟委員會主席 馮德萊恩（Ursula von der Leyen）表示，美國試圖誘使中國攻打台灣，不過佢唔會上當。

報道中指出，在舊年4月 馮德萊恩訪華期間，習近平在會見 馮德萊恩時曾宣稱：美國試圖誘使北京攻打台灣，並藉此毀滅中國，不過佢唔會中計。報導又指出，習近平都曾經對一眾與會官員，作出類似上述之警示。

獨裁者 習近平認為，一旦中美兩國爆發衝突，不只會毀滅中國至今嘅多種成就，更加會破壞佢嘅「中華民族偉大復興」目標。習近平已多次提出要在2049年之前，實現全面建設「社會主義」現代化強國。

報道並冇細指 習近平將美方「咩舉動」視為「刺激」，甚至會「誘使北京攻台」。報導只有提到，部分中國學者或退將曾表示，美國提供台灣武器，推行有關措施進行挑釁，中國被逼要進行軍事對抗。

根據中方一貫思維慣性，中國軍事單位總認為，美國積極鼓勵所謂「台獨」勢力，而如果台灣宣布獨立，跨越所謂「紅線」，中國將被迫要對此採取軍事行動。不過在根本上，只要你唔聽話配合中國，在中國麾下辦事，佢依然會當你係「台獨」勢力。

前中國駐美大使 崔天凱今年1月在美國智庫「亞洲協會」（Asia Society）政策研究所嘅研討會上稱，中方唔會落入「某人」所設下嘅陷阱，「佢哋」提供軍援、為「代理人」戰爭提供武器，令「中國人」自相殘殺，中方唔會墮入「陷阱」。

華府智庫「戰略暨國際研究中心」（CSIS）中國研究主任 白明（Jude Blanchette）研判，上述 習近平嘅言論可能源於部分下屬，意圖引導其放棄「強硬」言論及「侵略性」政策，放軟姿態「扮小白兔」。

不過 白明認為，無論外界點樣解釋 習近平嘅言論，好明顯，其決策環境及輸入獲取之資訊，正在被周圍或佢一人政策扭曲，其中包括佢周圍嘅副手奸臣所出嘅「蠱惑」，或者係佢自己獨裁嘅專斷行為所導致嘅「誤判」。

德國「馬歇爾基金會」印太計畫主任 葛來儀（Bonnie Glaser）認為，習近平嘅上述講法，可能意圖在台灣議題上，試圖分化歐美，將歐洲、美國嘅決策拉開，不過亦不排除係 習近平真係咁認為。

針對《金融時報》有關報導，中國駐華盛頓大使館暫未正面應答，唯有對外宣稱美國向台灣出售武器，並支持其口中所謂「台獨分裂勢力」。馮德萊恩嘅發言人就表示，未曾對外透露私人會面細節，美國白宮亦冇回應。

台灣國防部長 顧立雄對此表示，對報導嘅事實性持保留態度，不過就強調，中共不斷搞軍事擴張，不斷在台海試圖用各種威脅，採取軍事襲擾來改變現狀，中共先是整個區域和平穩定嘅麻煩製造者，不斷進行挑釁、意圖改變現狀。