根據台灣《中央社》13號報導，中國對台灣之軍事威嚇日益增加，其領導人多次宣稱不放棄「武統」，美國前總統 特朗普任內嘅白宮副國安顧問 博明（Matt Pottinger），近日赴台灣進行交流，得到台灣總統 賴清德親自接見，其後 博明赴台大法學院進行新書「沸騰護城河」發表會。博明表示，嚇阻更勝於作戰，在軍事領域加足預算投資，為台灣軍隊取得更好嘅裝備，並以新思維重塑軍人訓練模式，將能有效形成嚇阻能力，威懾中國領導人 習近平「過度樂觀」嘅攻台思維。

由民進黨籍前立委參選人 吳怡農所創辦嘅「壯闊台灣聯盟」，在當日下晝舉行「沸騰嘅護城河：保衛台灣嘅緊迫行動」新書發表會，「沸騰護城河」主要作者為 博明，兩位共同作者分別係：前白宮國安會亞洲事務副資深主任 簡以榮（Ivan Kanapathy）、壯闊台灣聯盟創辦人 吳怡農出席並主持。吸引「日台交流協會」台北區代表 片山和之、台灣前參謀總長 李喜明、台灣前總統府資政 邱義仁、網路節目「行動代號 2027」製作人 范琪斐等人都受邀出席。

片山和之 在致詞中指出，台灣係日本嘅重要夥伴，兩國交流密切，並有共同價值觀。片山表示：台海和平穩定對世界好重要，雖然後冷戰時期已經結束，不過而家全球正面臨新一輪安全挑戰，日本如何做出適當回應，以及同「友國」互助合作亦非常重要。

博明引述書中片段指，台灣應充分備戰先能止戰，過去不停有爭論指，使用2~3%嘅GDP搞軍事準備，都又唔知幾時先用到，似乎太多餘。針對上述爭論，博明認為，如果台灣在軍事上做足準備，或者真係冇需派上戰場，因為將國防預算用來「嚇阻、威懾（deterrence）」敵人，其成本將比真正戰事發生低好多。

博明表示，戰爭代表「人命、經濟」損失，不過透過「嚇阻、威懾」亦不失為一種心理「箝制」，透過嚇阻北京「嗰個」決策人 習近平，相信佢應會有所節制，唔會輕易踏出戰爭呢一步，做足國防準備，唔好等敵人有任何誤判嘅機會，或可以熄滅 習近平對於攻台嗰種「過度樂觀」嘅諗法。

博明表示，建立戰鬥意志及抵抗意識，係相當重要嘅因素，佢稱之為「X因素」（X factor）。「X因素」冇法透過戰機或軍艦數來衡量，而需要透過訓練及共同責任感來進行培養，並需要不斷訓練同社會各界對話，將戰事發生實境「搬到檯面上」，確實教育社會萬一遇上戰爭應如何應對。台灣準備越充足，戰事越冇可能發生，因為解放軍、中共須為此付出更高代價，包括「人命、經濟、外交」。

簡以榮（Ivan ）在會上表示，自己過去在美軍服役期間，至少有三年在台灣交流訓練嘅經驗，幾乎走遍台灣各地嘅軍事基地。佢並指出，「美、日、台」在過去數十年期間，持續保持合作，並建立對中國嘅嚇阻力，不過嚇阻力正逐漸消退，佢擔心 習近平恐會因此嘗試侵略，美方應確保「盟軍、友軍」在勝利一方。

吳怡農在提問環節指出，書中點破幾個「台灣讀者」嘅盲點，其中一個迷思係，有「親中、和統」派人士會指責稱，兩岸之所以「情勢緊張」，責任全在「民進黨」、係「民進黨」造成嘅，不過有關人士完全忽略「習近平領導嘅中共」所扮演嘅角色，係中國意圖要改變台海現狀。

對此 博明表示，由 習近平近年嘅一言一行來睇，習近平確實想要改變現狀，不過美台雙邊領導人根本無意改變現狀。有台灣人或者會認為，只要台灣唔好做任何事「挑釁中國」，就唔會造成中國「武力施壓」。

對此 博明引用「俄國侵略」嘅事來舉例，當時烏國內部都以為，只要示好就會冇事發生，顯然大國侵略絕非偶然，有無數行為部署可以預先「嗅到」。博明認為，目前唯一嘅挑釁，就係 習近平貫徹一人體制，企圖由根本來改變台海現狀。