根據《自由亞洲電台》6月4號報導，中國各地政府財政「捉襟見肘」，在今年「六四」35週年期間，異議人士「被旅遊、上崗」嘅日期數由以往十日縮短至一星期。根據知情人士透露，日前被帶往北京郊區旅遊嘅異議人士，在6月5號已被分批送返屋企，被帶到外省旅遊嘅人，當局安排在6號送返原居地。多位人士並透露，同往年比較，今年「維穩期」明顯縮短，似乎「維穩費」使用都受到嚴格限制。

近年以來，中國多地政府陸續傳出財收減少、公務費短缺。由2023年起，中央政府停發維穩費，加重咗地方基層嘅維穩費用負擔。各地公安利用「壓縮維穩期」來解決經費不足嘅問題。以北京爲例，原為十日嘅維穩期，今年縮為七天，即5月30號至6月5號。

根據報導，有位遭公安陪同旅遊嘅異議人士表示：按照北京市統一規定，帶到北京郊外嘅人在5號要返北京，特殊情況可以至6號先返。查建國 等部分人士5號已返到屋，高瑜 嘅情況較特殊，要6號先到，被帶到外省嘅人要坐火車，可能7號先到北京。研判今年各地公安都冇錢喇！公安都被減工資，今次維穩費肯定減少。

每年「六四」期間，各地「異議、維權」人士甚至網上活躍大Ｖ，都會遭公安警告，在6月5號之前，一律不准外出、受訪、發言。在「六四」當日，中國所有平台受嚴厲管控，仍有部分大膽網民突破封鎖，在網上轉發燭光相，紀念八九民運及六四死難者。有網民透露，轉發嘅次數龐大，當局難以徹底封殺。雖然有機器加上人工刪帖，如果數量過度龐大仍有侷限性。

多位湖南異議人士對外表示，已陸續接到當地公安口頭告知，過兩日就會解除上崗。在此之前，公安要求所要受監控人士，要每日向公安局發出手機定位，或者發出在家中嘅自拍相，自證留在家中。如果需要外出，必須有公安陪同，不過有人表示：而家公安都唔來啦！人手不足又請唔起保安。

湖北網民 葛生透露，現時中央政府已停發「維穩費」，目前「維穩費」由所屬地方街道辦自己解決，因此先會出現上述情況，變相要求街道辦將部分收入用於維穩。維穩費遭中央剋扣，經費來源混亂，一時半刻「搵唔到錢」只好「草草了事」。

多年以來，中國政府在每年投入數千億公共安全預算，用於基層維穩。2010年嘅維穩支出金額為5490億人民幣，超越當年國防費用嘅5340億人民幣。2024年，維穩費預算為2276億人民幣，遠遠低於十年前。