義烏集體練英語! 搶佔世界千億生意 最重要呢句:I Can Give You Cheaper
義烏集體練英語! 搶佔世界千億生意 最重要呢句:I Can Give You Cheaper

根據港媒《星島日報》13號報導,在「世界小商品市場」之都 義烏,近日意外傳出「全民瘋學英文」之浪潮,未到朝早9點鐘,整齊又響亮嘅英語早讀聲,在浙江義烏嘅「國際商貿城」傳出,有關短片在社交平台爆紅,其中最引人注目嘅一句就係「I can give you cheaper」。由此可見,「算你平啲」肯定係祖國人民嘅經商路上,不可獲缺嘅「致勝關鍵」。

 

義烏又被稱為「世界超市」,舊年義烏嘅出口額按年增長16%,突破5000億人民幣,數字再創新高。一位在義烏商貿城主營「木梳、工藝品」嘅70後事頭婆 單晨曉,每日返工嘅第一件事,就係同市場中其他幾百位事頭婆,齊齊去「英語角」學英文。單晨曉話:外國客越來越多,唔學唔得啊!

 

報導指出,2023年義烏市出口總值創歷史新高,達到5005.7億元,吸引超過1.5萬名「常駐外商」以及近9000間嘅外資主體。目前,義烏國際商貿城有7.5萬個商位、210萬種商品,同230幾個國家及地區有貿易往來。根據中媒《潮新聞》報導,浙江中國「小商品城集團」人力中心副總 張利 表示,外貿生意越來越強,學英語成為「大勢所趨」。

 

張利 指出,今年嘅「英語訓練營」由5月6號開課,向所有商戶免費開課。開課首日,已吸引唔少商戶自主加入,商城一區有150人參加,三區有50人參加,後續應會越來越多。點解上堂嘅全部係事頭婆?原來係因為義烏市場嘅生意模式,一般由老細負責「後端工廠、供應鏈、配貨」等工作,事頭婆主責「銷售、接單」等對外工作。

 

在商貿城開文具舖嘅80後事頭婆 任小玲,佢係英語晨練「大軍」中嘅一員。每日朝早一開門就立即去「英語角」,任小玲話:如果唔早啲去,選擇離先生最近嘅第一排,「英語角」嘅座位好快就會被逼爆。任小玲表示,學習內容主要針對貿易環節及客戶交流,佢已經在商貿城上過三期英語課,而家同顧客用英語做交流,基本冇太大問題。

 

事頭婆 單晨曉 同樣表示,店舖生意有唔少來自「中東、歐洲」等國家嘅客,如果聽唔明、唔識交流,就會係一種損失。除咗外語課,在義烏主掌經營嘅事頭婆,令會學習各類課程,例如「企業管理、產品設計、知識產權」等。

 

有網友評論指:我考高考都冇咁努力!有同樣經商嘅網友指,在義烏商貿城工作,不是在賺錢嘅路上,就是在學習嘅路上。有網友大讚,不愧是世界的義烏。不過亦有同行指出,義烏向來以削價競爭出名,所謂「I can give you cheaper」,背後其實就係「以質量換靚價」,不只品質難以控管,行業利潤都大幅收縮。

發佈時間: 2024年05月13日 15:29
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.