華為「遙遙領先」掀風潮! 任正非落禁令!不准遙遙領先! 誰再繼續遙遙領先「現金罰款一萬」
華為「遙遙領先」掀風潮! 任正非落禁令!不准遙遙領先! 誰再繼續遙遙領先「現金罰款一萬」

在「遙遙領先嘅領域中」遙遙領先!「遙遙領先」成為2023十大網路流行語,呢句出自於華為董事長 余承東之口嘅「遙遙領先」意外上咗榜。有中媒報導指,過去十幾年之中,余承東成日在自家產品發表會上,以「遙遙領先」來形容華為嘅任何產品。

 

《自由亞洲電台》在2號報導指,余承東在舊年9月12號華為M7發布會上,90分鐘內至少提及五次「遙遙領先」,另外有二十幾次「領先」。在更早之前嘅華為Mate 40發表會上,有媒體統計余承東在記者會中,講咗至少14次「遙遙領先」。

 

之後,有關「遙遙領先」嘅用法,後來成為網民揶揄、嘲諷官方等慣用語。由於「遙遙領先」使用過度氾濫,近日有傳聞指,電訊巨頭「華為」創辦人 任正非禁止內部使用「遙遙領先」,傳聞引發網民熱論。

 

根據中媒《界面新聞》報道,《鈦媒體》創始人 趙何娟在近日發文表示,根據可靠消息指,任正非在華為內部,對 余承東落「禁令」,甚至威脅再提一句「遙遙領先」,直接罰款一萬。

 

報導指出,在舊年12月華為嘅「花粉年會」上,余承東曾對「遙遙領先」被網友調侃作出回應。佢表示,歡迎大家將佢過去十幾年,在發佈會講過嘅「遙遙領先」剪成一段片,又話實際上並冇講過咁多次。

 

而中媒《紅星新聞》就指出,在舊年華為Mate 40系列發佈會上,有媒體統計余承東在一場90分鐘嘅發佈會上,講咗14次「遙遙領先」。當時有網友調侃:只有領先比較多嘅時後先會咁講。

 

究竟「遙遙領先」有幾出名,連「小米集團」董事長 雷軍都忍唔住在3月28號嘅小米SU7新能源車上市發佈會中,大聲叫出「遙遙領先」。雷軍甚至大讚 余承東,成功將呢句詞彙「植入每一個人嘅腦中」。

 

「遙遙領先」同 余承東「高度結合」,就連「華為」都不放過機會,想付諸行動將「遙遙領先」呢句金句申請作為商標。不過在任正非禁令傳出之後,「#華為已撤回遙遙領先商標申請」等話題,都順勢衝上微博熱搜榜。

 

根據《新浪科技》報道,「天眼查知識產權信息」嘅資料顯示,在舊年9月,華為技術有限公司申請註冊兩個「遙遙領先」商標,國際分類為科學儀器、運輸工具。商標流程信息顯示,今年1月,上述兩個商標已經被撤回註冊申請,當前為無效狀態。

發佈時間: 2024年04月03日 16:12
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.