澳洲海軍史上最大擴軍! 菲律賓巴士海峽起要塞! 強化第一島鏈態勢成形!
澳洲海軍史上最大擴軍! 菲律賓巴士海峽起要塞! 強化第一島鏈態勢成形!

綜合台灣《自由時報》報導,澳洲政府在20號公布一份藍圖,計畫未來十年之內,進一步投入澳幣111億軍費,將澳洲海軍打造成為一支規模更大、殺傷力更強嘅海上艦隊,整體規模比先前計畫大一倍,整體擴充規模係二戰以來最大。由於中國持續在印太地區多個海域製造緊張情勢,澳洲利用「強化軍力」等舉措來予以回應。

             

以美國為首嘅西方民主聯盟,同「威權、極權」國家之間嘅衝突日益加劇。澳洲今次宣布擴軍嘅時間點,與「中國、俄羅斯」大規模擴建軍力都有所關連。根據藍圖,澳洲預計在未來十年之中投入澳幣111億元,加快執行擴大海軍艦隊計畫,並振興澳洲造船業。

             

計畫預計將澳洲海軍嘅艦艇,由目前嘅11艘增加至26艘,外加25艘細型軍艦,整體數量將在2030年中達到而家規模嘅一倍以上。澳洲將打造6艘「獵人級」巡防艦、11艘通用護衛艦、3艘高打擊力嘅防空「荷巴特級」驅逐艦。

             

而計劃都會引入6艘美國開發嘅大型可載人水面艦艇(LSOV),LSOV載人水面艦艇可遠端操作或搭載人員操作,透過引入美軍嘅先進軍艦,屆時將可顯著提升澳洲海軍嘅遠程打擊能力。

             

澳洲國防部長 馬勒斯表示,今次嘅擴軍將會係澳洲自二次大戰以來,最大規模嘅艦隊擴建。澳洲海軍司令 哈蒙德就強調,未來水上作戰艦隊嘅「規模、殺傷力、能力」,將可確保澳洲海軍有能力因應地區不斷變化嘅戰略挑戰。

             

在未還增加嘅艦艇上,將配備多種武器系統,亦會「升級防空能力、水面打擊能力、水下作戰能力、遠程打擊能力。部分艦艇將會配備「戰斧」(Tomahawk)飛彈,加強直接對敵人領土進行長程攻擊嘅威嚇能力。

             

根據「澳英美三方安全夥伴關係」(AUKUS)協議,澳洲計畫在未來數十年部署八艘核動力潛艦,為上述艦艇發揮輔助補強作用。而估計澳洲嘅國防支出,將由目前GDP嘅2.1%增加至2.4%,遠超北約盟國所設下嘅2%目標。估計部分船艦將在澳洲阿德雷德建造,海軍擴軍計畫將確保3700個當地就業機會。

             

而中國海警船多次在菲國海域搞事,菲中在南海爭議海域嘅對峙衝突持續升溫。台灣《自由時報》報導指出,美菲兩國在早前研議,計畫在鄰近台灣嘅巴丹群島(Batanes)開發一座新嘅民用港。而巴丹群島省省長 凱柯(Marilou Cayco)在19號拜會菲國「海岸防衛隊」,期間簽署一份備忘錄,計畫將巴丹島嘅「馬哈濤港」(Mahatao Port)開發為海巡隊避風港。

             

巴丹群島位於台灣同菲律賓呂宋島之間,係控制呂宋海峽以及巴士海峽、巴林當海峽(Balintang Channel)進出嘅重要樞紐。隨著台海緊張情勢升高,巴丹群島嘅戰略重要性引發外界關注。

             

凱柯在舊年8月表示,美菲兩國正研擬在巴丹島 巴斯柯鎮(Basco)開發新民用港,方便美軍更快捷進入鄰近台灣嘅菲國戰略島嶼。菲律賓海巡隊指揮官 加文(Ronnie Gil Gavan)表示,同凱柯在會面期間簽署嘅協議備忘錄,同意將「馬哈濤港」開發為海巡隊避風港。

             

雙方亦討論到如何加強菲國海巡隊嘅能力,包括「協助地方政府進行災害應變、海事安全、海上執法、海洋環境保護、搜救行動」等能力。

             

菲律賓國防部長 鐵歐多洛(Gilbert Teodoro)在6號視察巴丹群島離台灣最近嘅「雅米島」(Mavulis)海軍分隊,以及菲國海軍「馬哈濤」前方作戰基地建設情形,強調巴丹群島係菲律賓北部疆域嘅「先鋒」,要求強化巴丹群島駐軍建設。

             

菲國此舉引發中國不滿,中國外交部發言人 汪文斌曾經在8號表示,菲方應「慎重行事」,唔好在「台灣問題上」玩火。當時國防部長 鐵歐多洛反擊話,巴丹群島係菲國領土,中國無權置喙。

             

菲律賓海軍准將 戴沙貢(Edward Ike De Sagon)在14號發表聲明表示,已經在「巴拉旺島」(Palawan Island)海域,部署「哈辛托號」(BRP Emilio Jacinto)巡邏艦,以捍衛菲國嘅海上利益,並向中國做出提醒同警告,所有膽敢挑戰菲國主權嘅人,菲方已做好準備並保持警惕。

發佈時間: 2024年02月21日 15:02
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.