南華早報造反了!華爾街棄中投印! 市場歷史性轉變!祖國經濟冇得救!
南華早報造反了!華爾街棄中投印! 市場歷史性轉變!祖國經濟冇得救!

由中資背景阿里巴巴所持有嘅港媒《南華早報》,在2月6日刊出專題指,全球市場正發生緊重大轉變。在二十年前,投資者將中國視為全球最大經濟增長點,但今時今日,由於中國經濟萎靡不振,世界各地投資者正由中國撤出數十億美元。而大部分流出嘅資金,都流向印度。而印度亦係「高盛」(Goldman Sachs)同「摩根士丹利」(Morgan Stanley)等華爾街投資大行都認可嘅「高潛值」市場。

           

而「投資印度」嘅勢頭,正在全球引起一場淘金熱。其中,規模達到620億美元嘅對衝基金 馬歇爾韋斯(Marshall Wace)在其旗艦對衝基金之中,將印度定位為「僅次於美國」嘅最大凈多頭賭注。而總部位於蘇黎世嘅 馮托貝爾控股公司(Vontobel Holding AG),其旗下機構亦將印度列為持有最多嘅新興市場股票。另外,詹納斯亨德森(Janus Henderson) 亦探索緊基金公司收購事宜。連日本傳統保守嘅散戶投資者,都爭相追捧印度。

           

多數投資者關注嘅焦點有幾方面。首先,印度係世界上增長最快嘅主要經濟體,在印度總理 莫迪嘅領導之下,印度正在快速擴大基礎設施建設,用來吸引全球資本,並提供產業供應鏈離開中國嘅助力。而相較之下,中國政府正在努力應對長期嘅經濟困境,而北京嘅「中國體制」同西方主導嘅「自由貿易秩序」之間,雙方嘅裂痕正在不斷擴大。

           

新加坡「M&G投資公司」亞洲股票投資組合經理 維卡斯佩沙德(Vikas Pershad)話,投資者對印度感興趣嘅原因眾多。首先,最大嘅原因係因為「佢唔係中國」。呢度有一個真正長期增長嘅故事。

           

各界睇好印度市場嘅情緒,早已唔係新鮮事。投資者眼中嘅印度市場,相似於過去嘅中國市場,係一個龐大並充滿活力嘅經濟體。並以新穎嘅方式向全球資金開放。但冇人對「投資印度」抱持「一帆風順」嘅期望。

           

最主要嘅原因來自社會因素。在印度,大部分人民仍然生活在貧窮線之下,而股市相對更昂貴,債券市場亦相對封閉。但無論如何,大多數投資者都願意「鋌而走險」,原因係因為佢哋認為,沽空印度嘅風險更大。

           

在美國交易所嘅交易基金市場,購買印度股票嘅主要基金,在2023年最後一季獲得破紀錄嘅資金流入,而四個最大嘅中國基金,合計流出近8億美元。根據EPFR嘅資金流向數據顯示,自2022 年以來,活躍債券基金自中國撤出嘅資金中,每1美元就有50美分轉向投入印度股市。

           

在1月中,印度股市曾經短暫超越香港,成為全球第四大股票市場。而根據摩根士丹利預測,到2030年,印度股市將會成為全球第三大股票市場。在摩根士丹利(MSCI)「發展中市場」股票基準指數中,印度嘅權重達到前所未有嘅18%占比,而中國嘅權重已經縮水至 24.8% ,在歷史最低嘅水平。

           

而報導指出。傳統上偏愛美國股市嘅日本散戶投資者,近排亦有轉向嘅趨勢,開始熱衷於投資印度。在日本嘅共同基金中,有五個「關注印度」嘅基金,資金流入量已經衝至前20名。其中最大嘅野村印度股票基金(Nomura Indian Stock Fund),其資產已經達到四年以來嘅最高點。

           

包括 馬歇爾韋斯(Marshall Wace)在內嘅對衝基金都指出,印度嘅「強勁增長」以及「相對穩定嘅政治局勢」,亦係多數投資者對印度經濟能否「持續增長」保持樂觀嘅主因,即使大盤嘅估值仍然昂貴,但國際投行預期印度股市嘅漲勢機會更大。

           

《南華早報》報道話,印度嘅金融市場一度係與世隔絕,如今將對外開放。目前,印度1.2萬億美元嘅「主權債券市場」,只開放2%俾部分外資參與,由今年6月起,該市場將被納入摩根大通全球債務指數。根據「滙豐銀行資產管理公司」稱,在未來幾年,印度市場將會吸引近1000億美元嘅資金流入。

           

長期為印度「資本增長基金」(India Capital Growth Fund)提供諮詢嘅基金經理 高拉夫納蘭(Gaurav Narain)認為,外界對印度市場嘅信心,源於印度政府在相關舉措嘅長期影響,未必係「短視」印度股票同債券嘅短期前景。納蘭話,印度冇需再推銷印度故仔。掉反轉,印度更需要「了解印度正在積極變化」嘅投資者「買入印度」。

發佈時間: 2024年02月07日 13:47
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.