繁花落幕改革已死 社會不滿片地開花 鄧聿文:王家衛時代已過
繁花落幕改革已死 社會不滿片地開花 鄧聿文:王家衛時代已過

根據台灣《中央社》5號報導,旅美中國政治學者 鄧聿文近期撰文指,在中國爆紅嘅電視劇「繁花」,反映咗1990年代「有志者」能「出人頭地」嘅改革開放時代。但咁樣嘅「時代、改革」,在可預見的未來將不會再有,人民對未來不抱希望好正常,社會嘅「不滿、不平」必然會流行。鄧聿文認為,琴日在「美國駐中國大使館」微博下方嘅10幾萬留言,網民盡情嘲諷股市大跌、聲討當局,就係人民不滿嘅最好證明。

           

《美國之音》(VOA)中文網在5號發表 鄧聿文專欄,文章題為「繁花落幕,榮景不再,中國人的希望隨著新時代而去」。文中指出,「繁花」之所以引起多人共鳴,係因為故仔將大時代嘅變遷,透過一班小人物嘅奮鬥史展現出來。佢哋多數係底層上海市民,抓住改革開放嘅機遇敢闖敢幹,不怕失敗,進而改寫命運,詮釋那個火紅嘅改革年代。

           

鄧聿文指出,「繁花」導演王家衛用鏡頭,唱讚了那個「只要敢想、敢幹、敢闖,就能有所成就」嘅改革年代。但拍攝並不純粹為咗迎合中共當局嘅審查制度,而係完整還原改革開放早期。改開早期嘅「深圳、上海」總是被稱為「改革先行者」,值得再現同還原。劇中男主角「阿寶」變成「寶總」,亦只係在改革開放嘅早期、中期先有可能。

           

鄧聿文認為,中國嘅改革開放「解放咗生產力,更解放咗人」,另一班似「阿寶」咁樣嘅有志青年能出人頭地,成為「時代弄潮兒」。由1980年代至21世紀初期間嘅20幾年,中國出咗一批好似「寶總」咁出身嘅平民,在冇家世背景嘅環境之下,透過個人奮鬥改變自身命運嘅菁英。

           

鄧聿文感嘆,咁樣嘅「時代、改革」已經遠去消逝,多年之後是否會在重來都唔知,但至少在可預見嘅未來都不會再有。在21世紀嘅頭10年,改革漸漸失去誘人嘅光環。到2010年之後,「新經濟」同網路時代,雖然都出現咗一批新富人,但數量甚少。其原因就係「改革已死」,再冇機會可以提供俾有創業精神嘅人。

           

鄧聿文指,而家嘅中國「社會結構」高度板塊化,政商勾結、利益輸送、階層固化,平民仔女完全冇機會進入「商業利益」領域。而權貴階層利用「人脈、資源」就輕鬆獲得財富,根本唔使辛苦去創業。而「繁花」俾觀眾嘅感覺,就係「繁花落幕、榮景不再」。亦都係今日中國嘅現狀。

           

鄧聿文話,今天嘅中國,「改革之火」不再燃起,雖然官方仍在度呼籲改革,但人人都清楚「改革不可再來」。在「黨天下」嘅政治機器壓迫之下,搞到人人都冇得唞氣,個個官員都要向「一尊」效忠。在咁嘅環境氣候之下,要人民相信改革根本係「癡人說夢」。即使當局推出任何所謂「改革舉措」,亦都只會被視為係「加強權力」同「方便統治」嘅需要。

           

鄧聿文表示,冇比較就冇傷害。但正正係因為中國過去存在「僵化嘅計劃時代」,加上今時今日嘅沉悶現實,人民先發覺,中國確實有過一個「生機勃勃」嘅「改革時代」,亦因為有得比,先會體認到當時「改革時代」嘅珍貴之處。

           

鄧聿文在最後話,既然嗰個「新時代」不能為今日嘅「阿寶」提供施展本領嘅舞台,在咁嘅情況下,對明日不抱希望自然係正常嘅。而人民冇希望,社會嘅「不滿、不平」就必然會流行。在「美國駐中國大使館」微博嘅10幾萬網友留言中,眾人傾巢而出,嘲諷中國股市大跌,並聲討當局毫無作為。留言板中嘅留言,已經說明咗人民嘅心聲。

發佈時間: 2024年02月06日 14:00
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.