求美帝放水!上指急救無效! 兩億股民美帝微博吐苦水! 必須堅決公布官員在美資產!
求美帝放水!上指急救無效! 兩億股民美帝微博吐苦水! 必須堅決公布官員在美資產!

根據台灣《中央社》4號報導,中國股市距離農曆年封關仲有4個交易日,中國證監會在4號發文,要「穩預期、穩信心」。同時間,美國駐中國大使館微博「長頸鹿貼文」下方,有關「對中國股市表現不滿」嘅留言,至今已經累計超過14萬則,有部分財經社群帳號,紛紛跟進嘗試分析A股跌跌不休嘅原因。

          

究竟中國股市有幾慘?財經自媒體「邏數財經研究」同「南京價值線-數據科技研究院有限公司」微信公眾號「價值線」3號及4號嘅文章指出,自2024年開年至2月2號以來,上證指數下跌8.2%,但「權值股、大型股」上漲,掩蓋咗中細型股暴跌。

          

真正能夠反映市場多數股票走勢嘅指數,其實「中證1000指數、中證500指數、創業板指數」,上述指數合拼咗2000間上市公司嘅股市表現。而一般嘅普通投資者,多數購買嘅就係呢啲指數中嘅成份股。

          

報導指出,自2024年初至2月2號止,中證1000指數暴跌22.3%、創業板指數暴跌18%、中證500指數暴跌16%,此外北證50指數暴跌28.6%、科創50指數暴跌21%。另外,自2021年以來,中國股市已經連續下跌3年,數據顯示中國股市邁向熊市,而第4年先過完一個月,情況仍然未有好轉。

          

中國註冊股民數量有2.12億,活躍股民至少有1億幾人。在當局要求「唱響中國經濟光明論」、「嚴格管控財經媒體及名嘴言論」,加上中國「國安部」將唱衰經濟提升為國安問題之後,中國媒體已經好難睇到誠實並深入探討經濟金融問題嘅報導,股民嘅情緒更加無處發洩。

          

官媒《人民日報》在2號星期五,於報紙第3版刊發文章,標題為「整個國家都洋溢著樂觀向上嘅氛圍」,報導話,股市被眾多網友「笑話」。官媒蜻蜓點水一句,反而引發股民強烈情緒。當日下晝收盤,3大指數同時創下大波段新低,「上證綜指」盤中一度跌至2666.33點,刷新2020年3月底以來的新低,最終收在2730.15點。

          

當晚,大量網民利用微博,在網上抒發對A股同中國政府嘅不滿。「美國駐華大使館」嘅官方微博,在當日發文指,美國利用「科學技術」幫助科學家「保護長頸鹿」,美帝「善待長頸鹿」嘅文章,承受鉅額損嘅股民,憤怒情緒瞬間引爆,憤怒在留言區留下不滿字句。

          

有網民呼籲美方,公布中國官員在美國嘅財產。有網民呼救指,有誰能救救我,失業好耐又有無數負債。有人話文章疑似遭遇中國官方「維穩」,無法評論亦無法按讚。有人就希望美中盡快恢復友誼。儘管網管刪除「高人氣」嘅「高級黑」留言,但截至4號晚,「長頸鹿」一帖下面嘅留言已經超過14萬以上。

          

微信公眾號「價值線」在4號發文話,大家還記得舊年春節之後,大家話「疫後復甦之後」要「大幹一場」,萬萬冇諗到會在春節之前「被大幹一場」。言下之意就係今年春節,上億中國股民必然要在痛苦之中度過。

          

股市下跌因素複雜,「邏數財經研究」在4號發文指,自2021年開始,疫情衝擊等因素下中國出口轉弱、房地產在嚴厲監管下衰退、美國強力升息等因素,中國股市走向熊市。

           

而近期中細型股暴跌,可能同幾個因素有關。資金自中細型股流向大型股,引發中細型股暴跌;「虧錢效應+恐慌心理」引致大量散戶割肉、加速市場暴跌;「雪球產品爆倉」嘅預期加劇咗恐慌情緒,而股市持續暴跌更加係主要原因。

           

所謂「雪球產品」意指「自動敲入敲出」式「券商收益憑證」,係券商發行嘅金融衍生品,通常係掛鉤股票或指數,其中以中證500指數居多。1月17號市場傳言指,因為呢兩年中證500指數跌幅超過25%,致使相關雪球產品本息全失,傳言進一步加劇股市下跌力度。

發佈時間: 2024年02月05日 14:30
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.