樓房供應過剩!出清要幾耐? 至少五年!復甦情況不佳恐惡化!
樓房供應過剩!出清要幾耐? 至少五年!復甦情況不佳恐惡化!

根據台灣《中央社》4號報導,自中國房地產泡沫破裂以來,房屋銷售萎靡不振,市場流通嘅「庫存樓」暴增,有專家認為,「現存房屋」同「在建房屋」,可能需要5至10年先可以清空。

           

日媒《日經亞洲》在3號報導指,中國房地產行業「銷售疲軟」,導致市場房屋庫存大量增加,市場消化可能需要至少5年嘅時間。另外,根據《美國之音》引述美國財經廣播頻道CNBC報導,有經濟學家指出,消化期間可能會超過10年。

           

《日經亞洲》報導指出,隨著房屋過剩問題日益嚴重,中國幾乎所有城市嘅樓價都呈現下滑趨勢,中國大型房企「碧桂園」在四川南充市嘅銷售人員話,有套110平米嘅公寓,只需62萬人民幣,比原價削減咗22%。又補充話,如果有興趣,價錢都仲有得傾。

          

《日經》引述中國網上一則貼文話,遼寧瀋陽有層樓目前每平方公尺要價8300,已經減價3000。由於樓市庫存嚴重過多,中國各開發商、屋主都在「削價競爭」。《日經》指出,計算過剩嘅房屋係用「新建房屋面積」減去「銷售房屋面積」,舊年底,中國過剩房屋面積接近50億平方公尺。

          

如果用「一家3口」100平方公尺來計算,中國目前過剩嘅房屋面積,至少可供1.5億人或5000萬個家庭居住。中國監管部門在2020年開始對房地產行業實施「去杠桿」以及「消除債務風險」嘅新措施。但房地產業「起樓熱潮」開始冷卻;而由於銷售不暢,房屋庫存數量持續增加。

          

根據數據,2023年全年住宅銷售面積為9.4億平方公尺,比2021年15.6億平方公尺嘅高峰暴跌40%。2020年,30幾歲「有首購能力」嘅中國民眾有2.2億,但估計至2035年數字會減至1.6億以下。根據哈佛大學經濟系教授 羅格夫(Kenneth Rogoff)嘅研究顯示,至2035年之前中國城市「新樓開工率」,將會以3%嘅速度下滑。

          

報導指,中國人擴大並改善住房面積嘅需求,已經趨於飽和。1978年中國改革開放起步時,人均住房面積只有8平方公尺。但在過去40幾年之中,隨著收入以及生活水準提高,中國人興起「換大樓、改善生活質量」,而潮流正在結束。中國目前人均住房面積已增至40平方公尺,相當於日本、英國嘅水平。

          

美媒CNBC在上個月引述 思睿集團(GROW Investment Group)首席經濟學家 洪灝嘅說法,洪灝表示,中國房地產市場面臨「長期修正」,而目前市場中過剩嘅房源,可能需時10年或以上先能消化。

          

洪灝話,如果各位見到而家庫存過剩嘅情況,按照目前嘅銷售速度,大概需要兩年時間消化目前市場上嘅「現有庫存樓」。洪灝又表示,中國目前嘅「在建樓」有600萬平方米。如果按呢個銷售速度,可能需要超過十年先能將「在建樓」全部消化完。總之,中國市場嘅修正速度可能會持續好多年。

發佈時間: 2024年02月05日 14:50
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.