大拷問!學生學者最大威脅在邊? 自由之家:中國政府微信網路監控 跨境「審查、施壓、噤聲」太囂張!
大拷問!學生學者最大威脅在邊? 自由之家:中國政府微信網路監控 跨境「審查、施壓、噤聲」太囂張!

根據《自由亞洲電台》31號報導,美國人權組織「自由之家」在31號星期三發表最新報告,梳理咗「外國政府」對身處在美國嘅「國際學生、學者」嘅噤聲行爲。根據報告評估,「中國政府」就係對「國際學生、學者」嘅最大威脅。

          

「自由之家」在報告中提到,在2022年由上海等地發生嘅「白紙運動」期間,有「中國留學生」在美國校園呼應,支持中國國內所發生嘅民主運動,呢啲來自中國嘅留學生,遭遇中國政府嘅「境外打壓」。

          

「中國政府」對留學生進行「騷擾」,對其國內親人「施壓」,意圖利用「親情」,阻止海外留學生參與各種示威活動。報告強調,中共利用相關做法,對海外華人產生極端嘅心理效應。

          

透過施壓等方式,令海外華人「心生畏懼」。目的就係要逼最積極參與活動嘅學生,選擇退出相關活動。報告指出,中國政府會利用網絡監控,大範圍監控所有海外華人。「微信」就係監控海外留學生參與示威活動最好利用嘅工具。

          

報告披露,針對中國政府跨國鎮壓嘅行爲,美國各地大學正在對此作出反制。威斯康星大學麥迪遜分校(University of Wisconsin-Madison),就在校內發佈相關指引,教學生點樣應對跨國打壓。另有部分大學就透過公開信,斥責中國政府威脅校內中國留學生。

          

報告提到,普渡大學(Purdue University)校長亦曾公開譴責中國,對校內學生嘅民主言論進行打壓。但報告認爲,校方嘅相關措施,不足以應對中國或其他外國政府嘅跨國打壓。報告指出,除咗少數案例得到幫助,多數嘅校方回應都比較被動,有時甚至適得其反。

          

報告舉例,在2022年2月,喬治華盛頓大學校園出現「批評中國舉辦奧運會」嘅相關畫作、文宣。當時校方以「煽動種族仇恨」爲由,撤走校內相關畫作,甚至話會對類似行爲採取「限制措施」。

          

雖然校方在事後對「措施」表示道歉,並承認「畫作、文宣」屬於「政治言論」,並非「種族歧視」言論。但校方咁樣嘅舉動,已經令學生覺得「心寒」,在校園推動民主活動,竟然會受到各種限制。

          

在另一個案例中,在中國實施「動態清零」最猖狂嘅期間,《耶魯日報》刊載兩名中國學生嘅撰文,文中提及「校園清零政策」,但編輯不准對方匿名刊文。因為《耶魯日報》規定必須公開署名先可以刊文。

          

自由之家認為,該報編輯選擇執行媒體行業嘅新聞標準,但相關嘅標準恐怕會令兩位中國學生「引火上身」,導致兩位學生被中國政府審查,最終必須自己承擔遭到跨國鎮壓嘅風險。

          

報告又指出,美國大學校園中嘅「中國學生、學者聯誼會」,都有接受「中國使領館」嘅資金贊助,並有幹部接受相關單位「指導」,不僅透過「組織」對中國學生進行監控,仲會動員「愛國學生」,「指教、搗亂」為民主發聲嘅相關「學生行動」。

          

過去就曾經發生過,有校園嘅「中國學生、學者聯誼會」,阻止校方邀請「達賴喇嘛」,或者邀請知名「香港民主人士」,到校園做演講或者交流。報告強調,有中共背景嘅「聯誼會、組織」,對學界所產生嘅作用,校方應有所警覺。

          

報告披露,人權組織「人權觀察」所制定嘅一份12點行爲準則,以幫助美國大學應對中國共產黨對學術自由嘅攻擊。該準則建議大學,應公開捍衛學術自由,並採納加強學術自由嘅政策,記錄侵犯國際學生權利嘅事件等。

          

報告強調,主要行動目標皆圍繞著「中國」元素,不會沒有理由。因爲美國校園中,中國留學生最多,中共利用複雜嘅統戰系統,在世界各地校園對其公民進行監控。

          

對此,華盛頓智庫威爾遜中心表示,中國政府在美國影響美國高等教育,目的同其他威權政府不同,因爲中國嘅行動「規模龐大」,具有「地緣政治」野心。

發佈時間: 2024年02月01日 14:36
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.