中國爛攤子滿天下!房住不炒鬆綁為時已晚! 廣州取消限購!百姓購房能力遠遠不及十年前!
中國爛攤子滿天下!房住不炒鬆綁為時已晚! 廣州取消限購!百姓購房能力遠遠不及十年前!

根據《自由亞洲電台》29號報導,中國住建部表示要建立「城市房地產融資協調機制」,並推出具體措施「提振房地產市場」。市場認為官方此舉有淡化「房住不炒」政策嘅「味道」。而廣州市政府在1月27號推出新措施,取消購買120平方米住房嘅限制。

           

中國政府透過放鬆「對房產市場融資」,逐步收回「房住不炒」嘅緊縮政策。《新華社》報道指,在本月26號,住建部部長 長倪虹在「城市房地產融資協調機制部署會」上表示,要建立「城市房地產融資協調機制」,各地需「抓緊研究」提出「可融資支持」嘅房地產項目名單,協調各自行政區內嘅金融機構「發放貸款」。

           

廣東房地產業內人士 黃小姐在29號受訪時表示,近幾個月各地政府都有動作,相繼放寬對房地產市場嘅調控措施,住建部通知要建立城市房地產融資協調機制。黃小姐表示,政策雖然好,但爲時已晚。而家政府終於嚐到「過度依賴房地產」所帶來嘅惡果。

           

黃小姐補充話,中國經濟增長嘅模式,除咗房地產之外,並冇搵到其他新嘅取代方式,之前政府都係依賴「賣地、房地產市場」帶動周邊附屬產業。但而家政府要將「經濟增長佔比咁高」嘅產業叫停,就會產生好多問題。而政策反反覆覆最致命。佢懷疑房地產是否真能救活?老百姓嘅信心早已消散。

           

中國「住房城鄉建設部」以及「金融監管局」在近日聯合印發通知,要求「地級市」以上嘅城市,建立「城市房地產融資協調機制」,以及「協調、解決」房地產融資中存在嘅「困難、問題」。傳出房地產第一批項目「白名單」,將在1月底之前落地並爭取貸款。

           

時評人士 王正在受訪時表示,國際產業鏈在2023年「全方位」移出中國,加上房地產市場疲軟,居民實際消費能力萎縮。官方對舊年經濟發展嘅情況「清楚明白」,房地產作為支持中國經濟內循環嘅主要支柱,不得不鬆綁居民限購。

           

王正認為,中國政府最頭痛嘅必然係「化解債務危機」,而債務肯定係「房地產疲軟」所造成,然後又出現「消費降級、通縮」等一系列問題,但基礎建設已經到盡頭,「房地產、公路、鐵路、橋樑、隧道」無益於經濟,而房地產就係導致債務嘅最大問題。

           

有中國專家認爲,2016年起由習近平親自指揮推行嘅「房住不炒」政策,強調「上下之間嘅協調關係」。但政策好明顯「不符當前經濟形勢」,當局將房地產「調控自主權」下放至各個城市政府,就係想將所謂房住不炒嘅「爛攤子」推俾地方政府。

           

上級大方獻策,就來「扛不住」嘅地方政府即刻「接招」。廣州在第一時間就宣佈,自1月27號起,居民購買建築面積120平方米或以上住房,不納入限購範圍。在限購區域範圍之內,商服類物業不再限定轉讓對象。

           

廣州媒體人 何先生在受訪時表示,中國所謂嘅「調控」就係收緊。而家根本無法調控,官方想釋放部分購樓政策空間,但房地產嘅問題同售樓政策無關,問題在於產權不清晰,過去買樓嘅人都想問,產權究竟屬於邊個?部分已經買咗樓嘅人,在十年之間經歷過無數次政策轉變,多數人已經唔認為買樓可以保值。因此,官方嘅「利好」對房地產現況並無幫助。

           

何生表示,中國「商品房」數量已經供過於求,價錢更遠遠超過市民嘅購買能力,「炒樓、炒房」已經成爲歷史。報導指出,中共中央總書記習近平在2016年12月14號,在中央經濟工作會議首次提出「房子是用來住的,不是用來炒的」。之後「房住不炒」成爲「房地產領域」嘅核心指導政策。但在七年之後,「房住不炒」政策正逐步淡出,但中國多數人早已「荷包空空」,對房地產嘅信仰亦「灰飛煙滅」。

發佈時間: 2024年01月30日 14:27
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.