打倒共產黨、打倒習近平 23年兩會前「萬達」投射標語 啟發!「走線途中」境外啟動機器!
打倒共產黨、打倒習近平 23年兩會前「萬達」投射標語 啟發!「走線途中」境外啟動機器!

根據《美國之音》28號報導,在2023年2月21號「中共20屆二中全會」以及「北京兩會」召開前夕,山東省 濟南市嘅「萬達廣場」大樓,外牆被打上「打倒共產黨、打倒習近平」嘅大幅標語投影。係繼 彭立發在「北京四通橋」上掛出「罷工、罷課、罷免獨裁國賊習近平」橫幅之後,另一宗針對中共以及國家領導人嘅抗議事件。 

         

根據報導,當事人 柴松已經逃至美國。 柴松在《美國之音》嘅電訪中表示,投影打出標語嘅當下,佢正在中南美洲要走向美國嘅「走線」途中,佢在遙地球另一端遙控,向預先設置在出租屋中嘅投影裝置發出指令,成功完成投射任務,透過預置嘅投影機,向當地人民展示反共反習標語。

         

根據 柴松披露,在標語投射之後,中共隨即出動大批公安,抓捕佢嘅女友以及兩位好友,並切斷佢哋同外界嘅聯繫,要減低「投影事件」造成嘅社會影響。 柴松指出,之前之所以保持沉默,冇向外界透露細節,係驚會牽連好友嘅安全。但而家,佢認為要透過輿論廣泛關注,先能有效保護親友免受株連。

         

柴松在受訪時表示,之所以會發起「行動」 ,係受到「四通橋勇士」彭載舟嘅影響。當局在疫情期間「毫無作為」,醫療資源匱乏、感冒藥稀缺、放縱蓮花清瘟炒賣,而期間仲有「新疆吉祥院大火」踐踏生命,以及後來引發嘅「白紙革命」人民反抗。經歷過呢啲事件之後,佢認清「中國不是人待的地方」,並下定決心要做出「行動」。

         

柴松坦承,雖然係受到彭載舟啟發,但彭載舟之後就「被消失」,而佢並冇彭載舟「在橋上等待被抓捕」嘅勇氣。因此,佢嘗試利用遠端遙控,以保障自己嘅人身安全。決定之後,柴松就周圍搵地點,最後選中濟南市「萬達廣場」,人流多、效果好。

         

柴松表示,初初在大樓對面搵架設投影機嘅單位時,竟然遇到一個為公安局服務,專做抓捕境外勢力嘅房東,隔幾日佢即刻以「光線差」為由退訂。後來改租13樓,樓層非常高,對出嘅展示效果非常好,確定租下之後,隨即就買咗投影設備。 

         

而投影嘅「字幕」根本冇可能外包俾其他人做,所以又加購一架「雷射雕刻機」,自己刻出「打倒共產黨、打倒習近平」幾個字。 但在測試階段,柴松利用代替字「衢州辣鴉頭、不賣隔夜貨」,在測試階段竟然冇引起任何人懷疑。

         

在所有設備測試完之後,柴松將「測試」鏡片做咗替換,將雕刻好嘅「行動」鏡片安裝好,將電源開啟,並加裝「智能電錶」來控制電源,將電腦闔上,之後只需要用手機就可以遙控操作。

         

在測試期間,柴松亦做咗保險,在房間安裝咗監控,確保房間冇被人入侵,預置擺設冇被人發現,所有行動在高度安全嘅情況之下冇被暴露出去。柴松在17號拆卸電腦嘅硬碟,並燒爛咗佢。在18號完成測試後,就搭乘火車轉移陣地去鄭州,之後就離開中國。

         

《美國之音》記者 葉兵向柴松提問,想知道佢當時係點諗嘅。尤其咁大嘅標語投射係「萬達廣場」建築上,你有咩期待?有冇諗到後續對家人、朋友產生咩影響?或後果?

柴松話自己「好猶豫、好糾結」。但佢希望在中國開兩會期間,造成更大嘅影響。而佢都知道,一旦啟動「行動」,所有同佢有聯繫嘅人「父母、朋友」必定會受牽連。

         

柴松話,當局對事件嘅重視程度「出乎意料」。在啟動「行動」之前,柴松向好有透露部分內容,並希望對方在當地幫手拍短片。柴松話:我想見到我自己做嘅事,但我個人在國外。 

         

柴松啟動「行動」,成功投射標語後,好友幫佢拍咗影片。佢嘅好友以及女朋友,見到呢段片之後都相當震驚。 並協助佢發朋友圈,亦放上微信去傳播。

         

投射「行動」成功之後,在萬達廣場附近嘅特警車隊隨即出動,在影片中可以見到,特警嘗試尋找投射源頭,但當佢哋搵到投射地點嘅時候,標語已經展示至少十分鐘以上。

         

根據柴松好友嘅女朋友表示,當晚公安已經出動50人,上門將其好友逮捕。同柴松有連結嘅親朋好友,所有人都被公安帶去問話。 而柴松嘅父母,足足做咗一個星期嘅筆錄。 而柴松嘅女朋友、拍片嘅朋友、一個資深好友,三人同時失聯。

         

柴松表示,當局派出公安對佢個人做出層層調查,在佢屋企到處搜查,所有個人背景都唔放過,由小學老師,初中老師,到所有工作過嘅單位,公安都要調查。

         

而彭立發嘅事件,在發生冇幾耐就遭到當局「全力鎮壓」,柴松向記者透露自己信息嘅來源。柴松表示,自己會「翻牆」睇《美國之音》、《華爾街日報》、《新唐人》、《大紀元》,接觸平常接觸唔到嘅資訊。

         

透過外媒,「對世界、對中國、對中國官場」嘅認識,都被徹底改變晒。柴松話,當時我正在「覺醒之路」上。 令我徹底覺醒嘅,除咗彭立發嘅英勇事蹟,亦包括共產黨嘅「重大公共決策錯誤」。 

         

至於點解要選擇「打倒共產黨、打倒習近平」投射牆上。柴松話,呢兩句話係我內心想去實踐嘅,當然,要實現可能係非常困難嘅事,甚至有啲「遙不可及」,亦非一個人就可以完成。但呢兩句代表我內心「最想講、最想做」嘅事。

發佈時間: 2024年01月29日 15:17
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.