解放軍「能力不足」但「行為說明一切」 美國上將:習近平「更願不顧一切冒險」 為中國利益「侵犯台灣」絕對係選項之一
解放軍「能力不足」但「行為說明一切」 美國上將:習近平「更願不顧一切冒險」 為中國利益「侵犯台灣」絕對係選項之一

《美國之音》在5號以「美國軍方憂心中國地區意圖」為專題,針對中國是否有可能侵犯台灣做出專題報導。里根總統基金會暨研究所(Ronald Reagan Presidential Foundation and Institute)在上星期發佈咗最新嘅年度《國防調查》(National Defense Survey),「調查」針對2506 位美國成年人進行電訪。

     

根據「調查」,有73%嘅美國人對中國可能入侵台灣表示擔憂。而有過半數51%嘅美國人視中國為美國嘅最大威脅,相較於舊年嘅43%,比例顯著增長,但如果同2018年嘅首次「調查」比較,當時只有21%嘅美國人視中國係威脅,睇法已經「戲劇性」大改變。而調查中亦顯示,大多數美國人認為,美軍應協助盟友捍衛自由,更有65%嘅受訪者,支持對台灣提供軍事援助 。

     

在《國防調查》發佈之後,「里根基金會」照慣例舉辦咗2023年「里根國防論壇」(Reagan National Defense Forum 2023)。今次在加州西米谷(Simi Valley)舉辦嘅論壇,包含軍方高級將領、國會兩黨軍事委員會、國防工業界領袖等,都出席咗論壇討論國防議題。

     

美國國防部長 奧斯汀(Lloyd Austin)亦親自出席並發表演講,奧斯汀表示,美國嘅《國防戰略》(National Defense Strategy, NDS)將「中華人民共和國」列為美國最大嘅競爭者,「共產中國」係美國嘅所有對手中,唯一「有意圖」並「不斷增加能力」想重塑國際秩序嘅國家。

     

奧斯汀話:「共產中國」希望我哋步履蹣跚、在國際孤立、在國內分裂。但「民主美國」可以避免咁樣嘅命運,而且我哋取得咗非凡嘅進步。美國將會與同盟一齊共同應對中國嘅挑戰,在決定性嘅「未來十年」,共同打造一個更安全嘅太平洋。

     

奧斯汀強調,2023年將會係美國落實「亞洲防衛戰略」決定性嘅一年,美軍將會「更廣泛、更機動、更有韌性」來拓展印太地區嘅軍隊,協助盟軍夥伴建立自衛能力,而咁樣嘅合作係「前所未見」。

     

啱於十月接任美國「參謀長聯席會議主席」嘅美國空軍上將 查爾斯·布朗,佢曾經表示,解放軍在補給上會遇到困難,因此佢認為「中國未有足夠嘅實力侵犯台灣」。在論壇嘅一場「爐邊漫談」中,佢再次被問到對於「解放軍入侵台灣」呢個問題嘅睇法。

     

布朗話:首先,大家要諗吓香港發生咗咩事!冇論「入侵」最終是否會發生,我哋都需要擔憂,因此我話「嚇阻中共」非常重要,目的就係要避免衝突發生。美方要注意中國嘅「施壓行動」,中共善於利用對「周邊鄰國」尤其係台灣方面嘅長期施壓,來謀取自身嘅政治、經濟利益。

     

布朗表示,在接任「參謀長聯席會議主席」之前,佢擔任嘅就係美國「太平洋空軍司令」,在5年之間佢見識到「共產中國」對亞太地區,或對周圍國家嘅種種挑戰,而今次嘅《國防調查》亦顯示出,美國大眾開始見識到「中華人民共和國」所帶來嘅挑戰,咁樣將有助於美國在「加強威懾能力」呢方面嘅建設。

     

美軍「印太司令部」司令 約翰·阿奎利諾上將(Adm. John Aquilino)同樣在「美國國防戰略與中國科技競爭」嘅討論中表示,冇論係「傳統軍力」或「戰略核武」,中國軍事擴張嘅速度,都係二戰之後最大嘅,解放軍在「海洋、空中、陸地、太空、網絡」等領域都有部署軍事能力,加上中國領導人「更願意冒險」,咁樣先令人憂心。

     

阿奎利諾表示,過去十年中共領導層正在改變策略,「策略性」韜光養晦正在被拋棄,佢哋更願意冒險,亦更願意使用高風險嘅冒險。中共不斷展示實力,亦不停在周圍地區進行「咄咄逼人」嘅行動,所有人都應為此感導不安,並對此採取行動。

發佈時間: 2023年12月05日 15:29
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.