狙擊恆大!債權人放風聲! 研究機構:2016已經資不抵債! 恆大「誇大營收」詐騙國庫「欺騙國家」
狙擊恆大!債權人放風聲! 研究機構:2016已經資不抵債! 恆大「誇大營收」詐騙國庫「欺騙國家」

根據台灣《中央社》3號報導,中國地產商「中國恆大」遭債權人提出清算申請,清算申請聆訊定於12月4號舉行。而根據最新消息指出,香港高等法院係今日4號宣布,中國恒大集團嘅清算聆訊將會押後至出年1月29號。押後消息一出,恒大股價竟反上升9%。

     

高院法官此前曾經指出,如果恒大嘅債務重組未能達成共識,今次嘅聆訊可能係最後一次,即係恒大有可能被清算。而清算聆訊被押後,是否代表雙方已經達成部分共識,定係恆大死雞撐飯煲,又或者官方主導為恆大續命,暫時未有最新跟進。曾經有報導指,境外債權人希望與恒大達成債務重組協議,避免遭到法院下令清算。

     

在破產聆訊前夕,研究機構GMT Research曾經於11月14號就相關質疑,向恆大發信提問並尋求解釋,而根據GMT Research在推特X嘅發文,似乎恆大就並冇針對相關提問有所交代。隨後GMT發佈報告「狙擊」。

     

根據《香港經濟日報》12月1號報導,GMT Research發布咗一份報告,稱恆大嚴重誇大營收,而且情況持續多年,報告話:與其話恆大係「流動性緊縮」或「疫情引發樓市低迷」嘅受害者,不如話「恆大從來冇任何利潤」。

     

根據報告,GMT認為恆大連續多年虛報收入同利潤,並且在2021年對「物業銷售收入」嘅確認方式,做出重大調整。認列收入嘅時間由「客戶『獲得專案竣工證書』或『業主使用權』」,變成「客戶『接受』物業銷售合約」就算恆大獲得收入。

     

報導指出,合約上嘅相關條款並冇提及物業是否「已交付」或「已完工」,只要被視為「接受」即可。而根據恆大嘅相關操作,在2021年之前,物業「未交付」或「未完工」嘅狀況之下,相關收入已全額入帳。

     

此舉形同「寅吃卯糧」提早得到收入,作為欺騙銀行詐取更寬鬆放貸嘅依據。而確認「收入時間」嘅變化,對恆大嘅財務狀況產生實質重大影響,突然爆增嘅收入數,亦導致先前紀錄嘅6640億人民幣收入,以及淨利潤1020億元出現咗問題。

     

報告並指出,根據恆大過往嘅財務報表分析,恆大可能早在2016年就已經面臨風險,因為資產價值低於負債。而種種跡象表明,恆大嘅部分資金來源早已枯竭,唯有借更多嘅錢先能繼續維持。而資金缺口持續擴大,風險亦令缺口大到冇法融資。

     

2022年6月24日,恆大債權人Top Shine Global Limited of Intershore Consult(Samoa)Limited向香港高等法院提出清算申請,經過多次延後,香港高等法院原訂於4號進行清算聆訊。而今年10月底,法院已經「明確要求」恆大要在4號聆訊之前「交出實質重組方案」。

     

根據香港官媒《香港電台》4號早報導,恒大嘅代表律師表示,公司方面要求延期聆訊,因為剖債權人積極尋求恒大清算,並指有關方面將在今次聆訊延期之後,5個星期內修訂重組方案建議。而清算方律師亦表示,不反對清算聆訊延期。

     

在雙方都唔反對清算聆訊延期之下,法官宣布押後決定,消息傳來,恒大股價上升,截至上午10時30分,恒大(3333.HK)股價上升9.24%報港幣0.26蚊,成交金額為900萬元。

     

作為中國最大嘅房地產開發商,恆大在2022年初開始陷入債務危機,至今已經兩年都仍然未脫困。恒大集團在香港擁有3間上市公司,分別係「恒大新能源汽車、易居(中國)企業、恒大物業集團有限公司」。

發佈時間: 2023年12月04日 13:25
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.